திட்டமிட உதவும் இணையதளம்

சிலரை பார்த்தால் பொறாமையாக இருக்கும். அந்த அளவுக்கு எல்லாவற்றையும் திட்டமிட்டு செய்வார்கள். நேரத்தை விரையமாக்காமல் ஒவ்வொரு செயலையும் குறித்த நேரத்தில் முடித்து விடுவார்கள்.

 

இத்தகைய ஒழுங்கும், நேர்த்தியும் உங்களுடைய வாழ்க்கையிலும் வரவேண்டும் என்று விரும்பினால், அதற்கு கை கொடுப்பதற்காக டைம்ஸ்லாட் இணையதளம் உருவாக்கப்பட்டுள்ளது. டூ டூ லிஸ்ட் என்று சொல்லப்படும் செய்ய வேண்டியவற்றை குறித்து வைத்துக் கொள்ள உதவும் வகையைச் சேர்ந்த இந்த தளம், தினசரி வேலைகளை அழகாக திட்டமிட்டுக் கொள்ள உதவுகிறது.

மறதிக்கோ, சோம்பலுக்கோ இடம் இல்லாமல் அன்றாட செயல்களை திட்டமிட்டுக் கொள்ள விரும்புவோர்கள் இந்த தளத்தில் உறுப்பினரானால், அவர்களுக்கு என்று ஒரு அட்டவணை பக்கம் ஒதுக்கப்படுகிறது. மிக எளிதாக இருக்கும் அந்த பக்கம், காலையில் இருந்து துவங்குகிறது. ஒவ்வொருவரும் அன்றைய தினம் என்னென்ன வேலைகள் செய்ய வேண்டும் என்பதை இந்த அட்டவணையில் குறித்து வைத்துக் கொள்ளலாம்.
இந்த அட்டவணையில் ஒவ்வொரு மணி நேரமாக வேலைக்கான பகுதி ஒதுக்கப்பட்டுள்ளது. எனினும், அவரவர் தேவைக்கேற்ப இந்த கால அவகாசத்தை மாற்றிக் கொள்ளலாம். இவ்வறு காலை முதல் இரவு வரையான பணிகளை இந்த அட்டவணையில் குறித்து வைத்துக் கொள்ளலாம்.

அன்றாட அலுவல்களை குறித்து வைத்துக் கொண்டு செயல்படுவது புதிய யுக்தி அல்ல என்றாலும், வழக்கமாக டைரியில் குறித்து வைத்துக் கொண்டு செயல்படுவது நடைமுறையில் ஒத்துவரக்கூடியதாக இருப்பதில்லை. அதற்கு மாறாக மிகவும் எளிதாக பயன்படுத்தக்கூடிய வகையில் இந்த இணைய அட்டவணை அமைந்துள்ளது.

ஒவ்வொரு நாள் முடிவிலும் இந்த அட்டவணையைப் பார்த்து அந்த தினத்துக்கான அலுவல்களை செய்து விட்டோமா என்பதை அலசிப் பார்க்கலாம். இதே போல ஒவ்வொரு நாளும் காலையில் அன்றைய தினத்திற்கான பணிகளை திட்டமிட்டு செயல்படலாம்.

இந்த அட்டவணையில் நாள் காட்டியும் இணைக்கப்பட்டிருப்பது விசேஷமானது. இந்த நாள் காட்டியில் வரும் காலத்தில் செய்ய வேண்டிய வேலைகளையும் குறித்து வைக்கலாம். தொலைபேசி பில் கட்டுவதில் துவங்கி, வங்கி தவணையை செலுத்துவது வரை செய்ய வேண்டிய பணிகளை அந்த தினங்களில் குறித்துக் கொள்ளலாம்.

இதன் மூலம் இந்த அட்டவணையானது மிகச்சிறந்த நினைவூட்டல் சேவையாகவும் செயல்படும். நாள் காட்டியை ஒரு பார்வை பார்த்தால், எந்தெந்த தினத்தில் என்னென்ன செய்ய வேண்டும் என்பதை தெரிந்து கொண்டு விடலாம். இதே போலவே கடந்த வாரம் அல்லது அதற்கு முந்தைய மாதம் என்ன செய்து இருக்கிறோம் என்பதை அறிந்து கொள்ள விரும்பினால், நினைவுகளை புரட்டிப் பார்க்காமல் இந்த நாள் காட்டியை புரட்டிப் பார்த்தாலே போதும். இவ்வாறு கடந்த கால அலுவல்களின் சேமிப்பு கிடங்காகவும் இந்த அட்டவணை கை கொடுக்கிறது.

மிக எளிமையான வடிவமைப்பும், சிக்கல் இல்லாத அட்டவணையுமே இந்த சேவையின் சிறப்பு அம்சமாக இருக்கிறது. அதிக குழப்பங்களுக்கு இடம் தராமல் ஒருவர் தனது அன்றாட வேலைகளை திட்டமிட்டுக் கொள்ள இந்த சேவை கை கொடுக்கிறது.

வெற்றி பெற்ற மனிதர்களைப் போலவே தாங்களும் வாழ்க்கையை திட்டமிட்டு செயல்படுத்த வேண்டும் என்று நினைப்பவர்களும், செய்ய நினைத்தவற்றை சோம்பலால் செய்ய முடியாமல் போய் வருந்துபவர்களும் இந்த சேவையை பயன்படுத்திக் கொள்ளலாம்.

திட்டமிடுவதற்கு கை கொடுக்கக்கூடிய இணையதளங்கள் எண்ணற்றவை இருந்தாலும், அவற்றில் மிகவும் எளிமையான தளமாக இந்த டைம்ஸ்லாட் அமைந்துள்ளது.

இணையதள முகவரி: www.timeslot.com

எல்லா பாடல்களையும் ஒரே கிளிக்கில் தரவிறக்கம் செய்யும் FLASHGET DOWNLOAD MANAGER!

நாம் தமிழ் திரைப்பட பாடல்களை ஆன்லைன் மூலமாகவும் கேட்கிறோம், அல்லது தரவிறக்கம் செய்தும் கேட்கிறோம். ஒரு படத்தில் ஐந்து பாடல்கள் இருக்கிறது என்றால் நான் ஒவ்வொரு பாடலாக தான் தரவிறக்கம் செய்கிறோம். அந்த ஐந்து பாடல்களையும் ஒரே கிளிக்கில் தரவிறக்கம் செய்ய FLASHGET DOWNLOAD MANAGER என்ற மென்பொருள் உதவுகிறது. நிறைய நண்பர்கள் இந்த தரவிறக்க மென்பொருளை பற்றி அறிந்திருப்பீர்கள். ஆனால் ஒரே கிளிக்கில் ஒரு பாடல்கள் தொகுப்பை எவ்வாறு தரவிறக்கம் செய்யலாம் என்பதை பற்றி இங்கு பார்ப்போம்.

FLASHGET DOWNLOAD MANAGER மூலம் தரவிறக்கம் செய்ய FIREFOX BROWSER யூஸ் செய்ய வேண்டும். ஏனெனில் FIREFOX ஆனது, FLASHGET ஐ ஒரு ADD-ON ஆக இணைத்துக்கொள்கிறது. எனவே FIREFOX BROWSER மூலம் தரவிறக்கம் செய்யப்படும் அனைத்தும் FLASHGET மூலமாகவே தரவிறக்கம் செய்யப்படுகிறது.

TAMILWIRE என்ற இணைய தளம் ஒரே கிளிக்கில் தரவிறக்கம் செய்ய நன்கு ஒத்துழைக்குது. TAMILWIRE இணைய தளத்தில் ஆயிரக்கணக்கான தமிழ்த்திரைப்பட பாடல்கள் கொட்டிக் கிடக்கிறது. புதிய படங்கள் முதல் பழைய படங்கள் வரை பாடல்கள் உள்ளது. அதோடு மட்டுமில்லாமல் நிறைய பாடல்கள் தொகுப்பும் உள்ளது. 

சரி, விஷயத்துக்கு வருவோம். TAMILWIRE இணைய தளத்தில் ஒரு பாடல் தொகுப்பை தேர்ந்தெடுத்து கொள்ளுங்கள். 

நான் POOVAI UNNAI NESITHEN (15 TAMIL SONGS) என்ற தொகுப்பை எடுத்துக் கொண்டேன். 

அந்த URL ஐ ஓபன் செய்தால் கீழ்க்கண்டவாறு பாடல்கள் பக்கம் ஓபன் ஆகும்.

இதில் முதலில் உள்ள பாடல் மேல் ரைட் கிளிக் செய்தால் ஓபன் ஆகும் பக்கத்தில் சீன எழுத்தில் மூன்று OPTION கள் இருக்கும். அதில் முதலாவது இருக்கும் OPTION ஐ கிளிக் செய்தால் அந்த ஒரு பாடல் மட்டுமே தரவிறக்கம் ஆகும். இந்த முறையில் தரவிறக்கம் செய்தால் ஒவ்வொரு பாடலுக்கும் நாம் மீண்டும் மீண்டும் கிளிக் செய்து தரவிறக்க வேண்டும். இம்முறையில் நாம் ஒவ்வொரு பாடலும் தரவிறக்கம் ஆகும் வரை அடுத்த பாடலை தேர்ந்தெடுக்க காத்திருக்க வேண்டும். இதற்கு ஒரு தீர்வு தான் இரண்டாவது OPTION இல் உள்ளது. 

அதை கிளிக் செய்தால் கீழ்க்கண்டவாறு ஓபன் ஆகும்

அதில் மேலே CHOOSE FILE TYPE இல் காட்டப்பட்டுள்ள வகைகளில் MP3 ஐ மட்டும் வைத்து விட்டு மற்ற டிக் மார்க்குகளை எடுத்து விட வேண்டும். கீழே படத்தில் காண்க.

பின்னர் கீழே DOWNLOAD பட்டனை அழுத்தினால் கீழ்க்கண்டவாறு ஓபன் ஆகும்.

பின்னர் மீண்டும் DOWNLOAD பட்டனை அழுத்தினால் கீழ்க்கண்டவாறு ஓபன் ஆகும்.

இப்பொழுது எல்லா பாடல்களும் ஒவ்வொன்றாக தரவிறங்க ஆரம்பிக்கும். தரவிறக்கத்தை PAUSE செய்யும் வசதி உள்ளது. இணைய இணைப்பு வேகமாக இருக்கும் நேரத்தில் PLAY செய்து மீண்டும் தரவிறகத்தை தொடரலாம். தரவிறக்கம் முடிந்ததும் கணினி தானாக SHUTDOWN ஆகுமாறு செய்ய வேண்டுமானால் மேலே TOOLS என்பதை கிளிக் செய்து SHUTDOWN PC WHEN DONE என்ற OPTION ஐ டிக் செய்தால் போதும். 

TAMILBEAT இல் எப்படி?

மேலே படத்தில் கடைசி கட்டத்தை ரைட் கிளிக் செய்து இரண்டாவது OPTION ஐ SELECT (கீழே படம் பார்க்க) செய்து மேற்கண்ட முறை மூலம் தரவிறக்கம் செய்யலாம்.

FLASHGET மூலம் TORRENTகளையும் தரவிறக்கம் செய்யலாம். தனியாக TORRENT DOWNLOAD MANAGER INSTALL செய்ய அவசியம் இல்லை. இதற்கும் PAUSE/PLAY ஒத்து வரும். தேவைப்படும் பொழுது தரவிறக்கம் செய்யலாம்.

TAMILWIRE இல் தரவிறக்கம் செய்யாமலே அனைத்து பாடல்களையும் வரிசையாக கேட்க ஒரு எளிய வசதி உள்ளது. கீழே படத்தில் இடது பக்கமாக ஒரு பட்டன் இருக்கிறதே, அந்த பட்டனை கிளிக் செய்தால் அடுத்த படத்தில் இருப்பது போல ஓபன் ஆகும். அங்கே PLAY பட்டனை அழுத்தி பாடல்களை கேட்கலாம்.

நண்பர்களே, ஒரு இணைய பக்கத்தில் உள்ள பாடல்களை ஒரே கிளிக் மூலம் தரவிறக்கம் செய்யும் முறையை சொல்லியுள்ளேன். தெரிந்தவர்கள் விட்டு விடலாம். தெரியாதவர்கள் குறித்து கொள்ளுங்கள்.

இம்முறை TAMILWIRE , TAMILBEAT தளங்களில் சோதனை செய்து பார்த்தேன். மற்ற தரவிறக்க தளங்களில் சோதனை செய்யவில்லை.

DOWNLOAD: FLASHGET DOWNLOAD MANAGER

என்ன நண்பர்களே! பயனுள்ளவையாக இருக்கிறதா?

விக்கி பீடியாவை மட்டும் விட்டு வைக்க வேண்டுமா?

விக்கிபீடியாவில் உங்களுக்கென்று ஒரு கட்டுரைப்பக்கம் இருந்து அதில் உங்களைப் பற்றிய அறிமுகமும் இடம் பெற்றிருந்தால் எப்படி இருக்கும்.

நீங்கள் பிறந்து வளர்ந்த விதம், உங்கள் பள்ளிப்பருவம், உங்களுடைய விருப்பு வெறுப்புகள், செயல்பாடுகள், சாதனைகள் போன்ற விவரங்களை எல்லாம் அந்த கட்டுரை வழங்கினால் எப்படி இருக்கும்.

யாருக்கேனும் உங்களைப் பற்றி தெரிய வேண்டும் என்றால் இந்த விக்கி பக்கத்தை பார்த்தாலே போதும். கூகுலில் உங்கள் பெயரை டைப் செய்து தேடினால் இந்த பக்கம் முதலில் வந்து நின்று உங்களை அழகாக அறிமுகம் செய்து வைக்கும்.

இப்படியொரு இணைய அறிமுகம் கிடைத்தால் நன்றாகத் தான் இருக்கும் என அக மகிழ்ந்து போகும் அதே நேரத்தில் ஆனால் விக்கிபீடியாவில் தனிநபர்கள் பற்றிய அறிமுக கட்டுரையை இடம் பெறச் செய்ய முடியாதே என்ற ஏக்கப் பெருமூச்சும் விடுவீர்கள் என்றால் கவலையை விடுங்கள். உங்களுக்கான விக்கிபீடியாவாக டிஜிகாட் என்னும் இணைய சேவை அறிமுகமாகியிருக்கிறது.

தனிநபர்களுக்கான விக்கிபீடியா என்று சொல்லக் கூடிய இந்த தளத்தில் ஒவ்வொருவரும் தங்களுக்கான அறிமுக கட்டுரையை உருவாக்கிக் கொள்ளலாம். விக்கிபீடியாவில் உள்ள கட்டுரையை போலவே இளமைக் காலம் பிடித்தவை, சாதனைகள், இலக்குகள் என தனித்தனி துணை தலைப்பிட்டு சுய விவர குறிப்புகளை இடம் பெற வைக்கலாம்.

உள்ளடக்கத்திலும் சரி, தோற்றத்திலும் சரி விக்கி கட்டுரை போலவே இருக்கும் இந்த சுயவிவர குறிப்புகள். உங்களை இணைய உலகிற்கு நீங்கள் விரும்பும் வகையில் அறிமுகம் செய்து வைக்கும்.

இணையம் நம்மை பற்றி என்ன நினைக்கிறது என்று அறிந்து கொள்ளும் ஆர்வத்துடன் தங்கள் பெயரை தாங்களே கூகுலில் டைப் செய்து தேடிப்பார்க்கும் சுய கூகுலிங் பழக்கம் பரவலாக இருக்கும்.

டிஜிட்டல் யுகத்தில் மற்றவர்கள் கூகுலில் தேடும் போது நம்மை பற்றிய சரியான அறிமுகத்தை தரக்கூடிய இந்த சேவையை பயனாளிகள் தங்களுக்கான அணைய அறிமுக அட்டையாக கூட பயன்படுத்திக் கொள்ளலாம். அதாவது தங்களின் பேஸ்புக், டிவிட்டர் மற்றும் வலைப்பதிவு விவரங்களையும் இந்த கட்டுரையில் இணைத்துக் கொள்ளலாம்.

இந்த கட்டுரை பக்கத்தில் பயனாளிகள் தங்களுடைய அழகிய புகைப்படத்தையும் இடம் பெற வைக்கலாம் என்பதை சொல்லாமலேயே புரிந்து கொள்ளலாம். இந்த கட்டுரையை எழுதுவதும் சுலபமானது என்கிறது டிஜிகாட். விவரங்களை வார்த்தைகளாக தாருங்கள், வரிகளாக மாற்றி கட்டுரையாக்கி விடுகிறோம் என்கிறது இந்த தளம்.

நமக்கென ஒரு விக்கிபீடியா பக்கம் என்றே சொக்க வைத்து விடக் கூடாது என்றாலும் இதில் கூடுதல் வசதிகளும் இருக்கின்றன. முதலில் இந்த அறிமுக கட்டுரையை படிக்கும் நண்பர்கள், உங்களைப் பற்றிய தங்கள் கருத்துக்களை பகிர்ந்து கொள்ள விரும்பினால் அவற்றை பதிவு செய்யலாம். இதற்கு சால்வோ என்று பெயர்.

ஒருவரைப் பற்றி அவரே அறிந்திராத விடயங்களை நெருக்கமாக பழகும் நண்பர்கள் அறிந்திருக்கக்கூடும். அத்தகைய தகவல்களை நண்பர்கள் இப்படி சால்வோவாக பகிர்ந்து கொள்ளலாம். இவ்வாறு பகிர்ந்து கொள்ளப்படும் தகவல்கள் அறிமுக கட்டுரையின் உள்ளடக்கத்தை மேலும் சுவாரஸ்யமான தாக ஆக்கக்கூடும். அதே போல நண்பர்கள் நீங்கள் குறிப்பிடும் ஒரு விடயத்தை தானும் அனுபவித்திருக்கிறோம். அதனை பிளாஷ்பேக்காக பகிர்ந்து கொள்ளலாம்.

இந்த பிளாஸ்பேக் பகிர்வுகள் உயிரோட்டம் மிக்க உரையாடலாகவும் மாறக்கூடும். அதுமட்டுமல்லாமல் இந்த பகிர்வுகள் உங்கள் கட்டுரையை மேலும் சுவை மிக்கதாக மாற்றி விடும். மேலும் நண்பர்கள் உங்களை நம்பகத்தன்மை, நேர்மை உள்ளிட்ட 5 விடயங்களில் சீர்தூக்கி பார்த்து மதிப்பீடும் வழங்கலாம்.

இந்த மதிப்பீட்டுக்கு பஞ்ச் மீட்டர் என்று பெயர் சூட்டப்பட்டுள்ளது. இந்தியில் உள்ள 5 எனும் வார்த்தையை குறிக்கும் வகையில் இவ்வாறு பெயர் சூட்டி உள்ளனர். நண்பர்கள் இப்படி உங்களை பற்றி தரும் மதிப்பீட்டை பார்த்து நீங்கள் எந்த அளவுக்கு மதிக்கப்படுகிறீர்கள் என்பதை தெரிந்து கொள்ளலாம்.

நண்பர்களின் மதிப்பீடு நல்ல விதமாக இருக்கும் பட்சத்தில் அதனை அறிமுக கட்டுரை பக்கத்தில் இடம் பெற வைக்கவும் செய்யலாம். இல்லை இந்த மதிப்பீட்டை நாம் மற்றும் பார்த்து விட்டு விட்டு விடலாம்.

இணையத்தில் ஐகான் (ICANN –Internet Corporation for Assigned Names and Numbers) அமைப்பு பற்றி தெரியுமா உங்களுக்கு

இணைய தளங்களுக்கான முகவரியில், துணைப் பெயராக மேலும் பல புதிய வகை பெயர்களை அமைக்க, இதற்கான பன்னாட்டு அமைப்பு அனுமதி கொடுத்துள்ளது. இந்த பெயர்களை இணையத்தில் generic toplevel domains (gTLDs) என அழைக்கின்றனர். 

தொடக்கத்தில் .com, .org, and .net போன்ற பொதுவான பெயர்களே, தளப்பெயர்களின் துணைப் பெயர்களாக இருந்து வந்தன. பின்னர் நாடுகளின் அடையாளம் இருக்க வேண்டும் என்ற கோரிக்கை வலுப்பெற்று, .uk and .in என நாடுகளின் பெயர்களும் அனுமதிக்கப்பட்டன. தொழில் வகைப் பெயர்களாக .biz போன்றவையும் வரத் தொடங்கின. இவ்வகையில் இதுவரை மொத்தம் 22 வகை துணைப் பெயர்களுக்கு அனுமதி அளிக்கப்பட்டு பயன்படுத்தப்பட்டு வரப்படுகிறது.

அண்மையில் கூடிய, இத்தகைய பெயர்களை அனுமதித்து, கண்காணித்து வரும் ஐகான் (ICANN –Internet Corporation for Assigned Names and Numbers) அமைப்பு கூடுதலாகச் சில வகைப் பெயர்களை அமைக்க அனுமதி தந்துள்ளது. இதன் மூலம் ஆங்கிலம் அல்லாத வேறு மொழிகளிலும், புதிய வகைகளிலும் இந்த பெயர்களை அமைக்கலாம். 

இதன்படி ஒரு நிறுவனம் தன் நிறுவனத்தை அடையாளம் காட்டும் வகையில் பெயரை அமைத்துக் கொள்ளலாம். நிறுவனப் பெயர் மட்டுமின்றி, குறிப்பிட்ட தன் தயாரிப்பு ஒன்றின் பெயரைக் காட்டும் அடையாளப் பெயர்களையும் வைத்துக் கொள்ளலாம்.

இப்போது நாடுகளை மட்டும் அடையாளம் காண பெயர் வைத்துக் கொள்ள அனுமதி கொடுக்கப்பட்டு பின்பற்றப்பட்டு வருகிறது. இந்திய தளங்கள் .in என்ற துணைப்பெயருடன் அமைக்கப்படுகிறது. இனி, புதிய அனுமதியின் பெயரில், மாநிலங்களை அடையாளம் காட்டும் வகையிலும் பெயர்களை அமைத்துக் கொள்ளலாம். 

இந்த பெயர்களை அமைத்து ஒப்புதல் வாங்கிட, வரும் 2012 ஜனவரி முதல் ஏப்ரல் வரையில் விண்ணப்பங்கள் பெறப்படும். இந்த தகவல்களை இந்திய இணைய சேவை நிறுவனங்களின் கூட்டமைப்பின் தலைவர் ராஜேஷ் சாரியா தெரிவித்துள்ளார்.

வந்து விட்டது தமிழ் பாடல்கள் கேட்க புதிய இணையதளம்

தமிழ் பாடல்களை கேட்டு மகிழவும் தரவிறக்கவும் எத்தனையோ இணைய தளங்கள் உள்ளன .இப்போது நான் பகிரப்போகும் தளம் மிகச்சிறந்த இசை வலை தளங்களில் ஒன்று எனலாம் .

இசைக்கு மயங்காதவர் யார்தான் இருக்க முடியும் .இசையை கேட்டு மகிழ எத்தனையோ வழி முறைகளை உள்ளன .இசை பல்வேறு பரிணாமங்களை கண்டு இன்று இணைய தளம் மூலமாகவும் மக்களை மகிழ்வித்து வருகிறது.

இதிலுள்ள சிறப்புகளை சொல்லவேண்டுமானால் பாடல்களின் எண்ணிக்கை மற்றும் பாடல்களின் தரம் .எல்லாவற்றையும் விட சிறப்பம்சம் இங்கே பாடல்களை வகைப்டுத்தியிருப்பது .

ராக தேவன் இசையமைத்துள்ள 800 க்கும் அதிகமான திரைபடங்களிலுள்ள பாடல்களை இங்கு கேட்டு மகிழலாம் .REAL PLAYER வைத்திருப்பவர்கள் இதை தரவிறக்கம் செய்ய முடியும் .

இசையருவியில் குளிக்கஇங்கே சுட்டுங்கள் .மேலும் இதே இணைய தளத்தின் இன்னொரு பிரிவு பக்தி பாடல்களை பகிர்கின்றது .பக்தி மழையில் நனைய விரும்புவோர் இங்கே சுட்டவும் . 

இது போல தமிழ் கிறிஸ்தவ பாடல்களை கேட்டு மகிழவும் தரவிறக்கவும் ஓர் அருமையான தளம் உள்ளது .எண்ணற்ற பாடல்களை கொண்ட அந்த தளத்திற்கு செல்ல இங்கே சுட்டவும் .பதிவு பிடித்திருந்தால் கருத்தும் வாக்கும் அளிக்கலாம் .

இந்தமாதிரியும் தமிழில் வலைப்பக்கங்கள் உள்ளதா? சொல்லவே இல்லே

 

 இந்த பதிவில் அனைவரையும் கவரும் வகையில் விளங்கும் ஐந்து தமிழ் வலை தளங்களை பகிர்கின்றேன் .

முதலில்சாப்பாடு. நீங்கள் காணப்போகும் இத்தளத்தில் எண்ணற்ற சமையல் குறிப்புகளை சிறந்த சமையல் நிபுணர்களை கொண்டு வழங்கியிருக்கிறார்கள் .சைவம் ,அசைவம் ,டயட் என அனைத்து பிரிவுகளும் உள்ளன .இவை அனைத்தையும் ருசித்து மகிழ இங்கே சுட்டுங்கள்

அடுத்தபடியாக அனைத்து துறை சார்ந்த கட்டுரைகளை உள்ளடக்கிய தளம் .மேலும் பல்வேறு விஷயங்கள் இங்குள்ளன .திரை நாயகர்கள் ,நாயகிகள் படங்கள் நல்ல தரத்தில் பார்த்து மகிழ இங்கே சுட்டவும் .

அடுத்தபடியாக ஒரு மிகச்சிறந்த செய்தி பகிர்வுத்தளம் .இந்த தளத்திற்கு சென்றால் செய்தி தாள்களுக்கான இணைய தளங்களை தேடி அலையவேண்டியது இல்லை .அனைத்து பத்திரிகைகளுக்குமான இணையதள இணைப்பு இத்தளத்தில் பகிரப்பட்டுள்ளது .இதற்கு இங்கே சுட்டவும் .

அடுத்து தமிழ் நாவல் பிரியர்களுக்கு ஓர் பயனுள்ள வலைப்பூ .தமிழில் பிரபலமான அத்தனை நாவல்களையும் இங்கே பதிவிறக்கம் செய்ய முடியும் .மேலும் பல்வேறு பயனுள்ள தகவல்கள் உள்ளன .வலைபூவிற்கு செல்ல இங்கே சுட்டவும் .
அடுத்து செய்திகளை உடனுக்குடன் தெரிந்துகொள்ள ஒரு சிறந்த தளம் இங்கே.

மென்பொருட்களின் சீரியல் எண்ணை இலவசமாக பெற

இன்று உலகில் கம்ப்யூட்டர் இல்லாத துறையே இல்லை எனலாம். அந்த அளவிற்கு கணினி நம்மிடம் வளர்ச்சி அடைந்துள்ளது. இப்பொழுது கம்ப்யூட்டர் ரூபாய் 10000 அளவிற்கு கூட கிடைகின்றது. ஆனால் 10000 கொடுத்து வாங்கினாலும் உடனே அதில் வேலை செய்ய முடியவில்லை . அதில் இயங்குதளங்களை பதிந்தால் மட்டுமே நாம் அனைவரும் உபயோகிக்க முடியும். மற்றும் நமக்கு பிடித்த மென்பொருட்களை இணையத்தில் இருந்து இலவசமாக தரவிறக்கி கொள்கிறோம். ஆனாலும் அப்படி தரவிறக்கம் செய்யும் மென்பொருட்களை விட விலை கொடுத்து வாங்கும் மென்பொருட்கள் மிகுந்த வசதிஉடனும் பாதுகாப்புடனும் இருக்கும். ஆனால் நம்மால் விலை கொடுத்தும் வாங்க முடியாது. இந்த நிலையில் நமக்கு உதவி செய்கிறது இந்த இணையதளம். இணையத்தில் அனைத்து மென்பொருட்களும் (traial versions) இலவசமாக கிடைக்கும். அதை தரவிறக்கி நம் கம்ப்யூட்டர்யில் சேமித்து கொள்ளவும். அதை install செய்வதற்கு முன்னால் இந்த இணயத்தளம் செல்லவும் http://www.youserials.comஇதில் அனைத்து வகையான மென்பொருட்களின் சீரியல் எண்களும் கொடுத்து உள்ளார்கள். உங்களுக்கு எந்த மென்பொருட்களின் சீரியல் எண் வேண்டுமோ அந்த மென்பொருட்களின் பெயரை அதில் டைப் செய்து என்ட்டர் கொடுக்கவும் . இப்பொழுது கிடைக்கும் எண்ணை copy செய்து நீங்கள் இன்ஸ்டால் செய்யும் போது கொடுக்கவும்

மென்பொருளுக்கான சீரியல் நம்பரை இலவசமாக பெறுவது எப்படி?

ஏற்கனவே சீரியல் நம்பர் இலவசம் என்ற தலைப்பின் கீழ் எந்த எந்த தளத்தில் எல்லாம் இலவசமாக சீரியல் நம்பர் தாராங்கன்டு பார்த்தோம்.இன்டைக்கு பார்க்கப்போவது Craagle என்ற மென்பொருள் மூலம் எப்படி இலவசமாக சீரியல் நம்பர் பெறுவது என்று.

அப்படி என்றால் ஏற்கனவே எழுதியதற்கும் இன்றையதற்கும் வித்தியாசம் உள்ளதா?
ஆம், ஏற்கனவே எழுதியதுல ஒரு பிரச்சினை அதாவது ஒரு தளத்துல சீரியல் நம்பர் தேடி கிடைக்கா விட்டால் அடுத்த தளத்திற்கு செல்ல வேண்டி இருக்கும்.ஆனா இன்றைக்கு பார்க்கப்போகும் மென்பொருள் அனைத்து தளங்களிலும் தேடி ஒரே இடத்தில் தருகிறது .இதனால் நமக்கு நேரமும் மிச்சம் விரைவாகவும் தேட முடியும்.

சீரியல் நம்பரை பெறுவதற்கு what என்பதற்கு serials என்றும், where என்பதற்கு Search All என்றும் , Search என்பதற்கு software Name ஐயும் வழங்கி விட்டு என்டர் கீயை ப்ரஸ் பன்னவும்.ஒரு நிமிடத்தில் சீரியல் நம்பர் கிடைத்து விடும்.சந்தேகம் இருப்பின் கீழே படத்தை பார்க்கவும்.




Craagle software Download

வங்கி கணக்கு முதல் அனைத்துவிதமான கணக்கிற்கும் நமக்கு உதவி செய்ய ஆன்லைன் கணக்கு பிள்ளை.

நம் வங்கி கணக்கு முதல் பைனான்ஸ் , கிரெடிட் கார்ட், இன்சூரன்ஸ்,
கடன், வட்டி என அனைத்துவிதமான கணக்கிற்கும் ஆன்லைன்
மூலம் உதவி செய்வதற்காக ஒரு தளம் உள்ளது இதைப்பற்றித்தான்
இந்தப்பதிவு.

படம் 1

பைனாஸ்-ல் பைக் வாங்கியது முதல் கார் வாங்கியது வரை வங்கியில்
எவ்வளவு வட்டி , நம் கடனுக்கு எவ்வளவு செலுத்த வேண்டும் என
அனைத்துவிதமான கணக்கு வழக்கிற்கும் நமக்கு துல்லியமாக
உதவுதற்காக ஒரு தளம் உள்ளது.

இணையதள முகவரி : http://www.calcmoolator.com

எப்படி வட்டி போடுகிறார்கள் என்றே தெரியவில்லை அவர்களிடம்
சென்று கேட்டால் ஏதோ குழப்புவது போல் இருக்கிறதே , இந்த
வார்த்தைகளை பெரும்பாலும் பைனான்ஸ் முதல் வங்கியில் கணக்கு
வைத்திருப்பவர்கள் வரை பலர் கூற கேட்டிருப்போம், சிறிய கணக்கு
தான் என்றாலும் நமக்கு அதை தெரிந்து கொள்ள நேரம் இல்லை,
சில நேரங்களில் நம் புத்திசாலி மண்டையில் ஏறாமால் இருக்கிறது.
இப்படி நமக்கு எழும் அனைத்துவிதமான கணக்கிற்கும் தீர்வு
கொடுக்கத்தான் இத்தளம் உள்ளது, இங்கு சென்று Auto,Business,Children,
Credit Cards,Debt,Education,Green,Insurance,Investments,IRA,Jobs,
Money Saving,Mortgage,Pets,Retirement,Retirement 2 ,Savings,Taxes
என அனைத்துவிதமான துறைகளிலும் நமக்கு எந்ததுறை
வேண்டுமோ அதை சொடுக்கி அங்கு எவ்வளவு பணம் எத்தனை
மாதம் வட்டி என்ன போன்ற அடிப்பை கேள்விகளுக்கு பதில்
கொடுத்து Calculate என்ற பொத்தானை சொடுக்கினால் போதும்
நாம் எவ்வளவு செலுத்த வேண்டும் என்பது முதல் அனைத்து
விதமான தகவல்களையும் தெரிந்து கொள்ளலாம்.

உலகின் முக்கிய பிரபலங்களின் முகங்களை எளிதாக தேட வழி

உலகில் முக்கியமாக பிரபலமானவர்களின் முகங்களை நமக்கு
நொடியில் தேடிக் கொடுக்க ஒரு தளம் உதவுகிறது இத்தளத்தில்
சென்று நமக்கு பிடித்த பிரபலங்களை எளிதாக தேடலாம் இதைப்
பற்றித்தான் இந்தப்பதிவு.

படம் 1

நமக்கு தேவையான புகைப்படங்களை கூகிள் Images -ல் சென்று
தேடினால் பெரும்பாலும் குப்பையான படங்கள் தான் முதலிடம்
பிடிக்கிறது இதைத்தவிர்த்து நாம் தேடும் பிரபலங்களின் முகங்களை
கொடுக்க ஒரு தளம் உள்ளது.

இணையதள முகவரி : http://www.ifacesearch.com

இத்தளத்திற்கு சென்று நாம் படம் 1-ல் காட்டியபடி நாம் தேட
விரும்பும் பிரபலத்தின் பெயரை கொடுத்து Let’s Search என்ற
பொத்தானை சொடுக்கினால் போதும் அதே திரையில் நமக்கு நாம்
தேடிய பிரபலங்களின் முகங்களை வரிசையாக அழகாக நேர்த்தியாக
கொடுக்கிறது கீபோர்ட்-ல் இருக்கும் வலது மற்றும் இடது பக்க
அம்புக்குறியை அழுத்தி ஒவ்வொரு படங்களாக பார்க்கலாம்.
பிரபலங்கள் மற்றும் முக்கியத்தலைவர்களின் முகங்களை தேட
உதவும் அனைவருக்கும் இந்தப்பதிவு பயனுள்ளதாக இருக்கும்.

ஆங்கிலத்தை தினமும் வீடியோ மூலம் வேடிக்கையாக கற்றுத்தரும் அசத்தலான தளம்.

ஆங்கிலத்தில் நன்கு படித்து முதன்மையான வகுப்பில் தேர்ச்சி
பெற்றிருந்தாலும் தொடர்ச்சியாக ஆங்கிலம் பேசவராமால் பலர்
இருக்கின்றனர் இவர்களுக்கு ஆங்கில மொழியை அசத்தலாக
தினமு வீடியோவுடன் சொல்லி கொடுக்க ஒரு தளம் உள்ளது
இதைப்பற்றித்தான் இந்தப்பதிவு.

படம் 1

பள்ளி, கல்லூரி விடுமுறை காலம் தொடங்கிவிட்டது நம் குழந்தைகளும்
வெளிநாட்டினர் போல் ஆங்கிலம் பேச வேண்டும் என்ற எண்ணம்
அனைத்து பெற்றோர்களிடமும் இருக்கும், இவர்கள் மட்டுமல்லாது
தனியார் அலுவலகங்களில் வேலை பார்க்கும் நபர்கள் தொடர்ச்சியாக
ஆங்கிலம் பேச வேண்டும் என்ற ஆசை இருக்கும் ஆனால் அவர்களுக்கு
தனியாக ஆங்கிலம் கற்றுக்கொள்ள நேரம் இருக்காது இப்படி ஆங்கிலம்
கற்றுக்கொள்ள விருப்பம் உள்ள சிறியவர் முதல் பெரியவர் வரைஅனைவருக்கும் உதவுவதற்காக ஒரு தளம் உள்ளது.

இணையதள முகவரி : http://funeasyenglish.com

ஆங்கிலத்தை சொல்லி கொடுக்க பல இணையதளங்கள் இருக்கிறதே

இத்தளத்தில் அப்படி என்ன சிறப்பு இருக்கிறது என்று எண்ணும்

அனைவருக்கும் பதிலாக இத்தளம் ஆங்கிலத்தை வேடிக்கையாக

தினமும் வீடியோவுடன் சொல்லி நம்மை அசத்துகிறது. இந்த

வீடியோக்களை தினமும் நமக்கு நேரம் கிடைக்கும் போது பார்த்தாலே

போதும் சில வாரங்களில் நாமும் ஆங்கிலத்தை எந்தப்பிழையும்

எந்ததடையும் இல்லாமல் தொடர்ச்சியாக பேசலாம். ஒவ்வொரு

ஆங்கில வார்த்தையும் எப்படி உச்சரிக்க வேண்டும் என்பதில்

தொடங்கி ஒவ்வொரு துறை சம்பந்தப்பட்ட வீடியோகோப்புகளை

காட்டி நம் ஆங்கில அறிவை வளர்க்கிறது. ஆங்கிலம் கற்றுகொள்ள

விரும்பும் நபர்கள் முதல் தொடர்ச்சியாக ஆங்கிலம் பேச விரும்பும்

அனைவருக்கும் இப்பதிவு பயனுள்ளதாக இருக்கும்.

வேலை வாய்ப்புக்கான கூகுல்

வேலை வாய்ப்புக்கான தேடல் இதைவிட சுலபமாக இருக்க முடியாது. ஜாப்சர்ச் இணையதளத்தை பார்த்தால் இப்படி தான் சொல்லத்தோன்றுகிறது. அந்த அளவுக்கு இந்த தளம் வடிவமைப்பில் எளிமையாக பயன்படுத்துவதற்கு அதைவிட எளிமையாக அமைந்துள்ளது.

இந்தியர்கள் இந்த தளத்தின் மூலம் தங்களுக்கு பொருத்தமான வேலை வாய்ப்பை சுலபமாக தேடிக்கொள்ளலாம்.

ஏற்கனவே உள்ள வேலைவாய்ப்பு தளங்களை விட இந்த தளத்தில் அப்படி என்ன விஷேசம் என்று கேடக் தோன்றலாம்.முதலில் ஜாப்சர்ச் மற்றுமொரு வேலைவாய்ப்பு தளம் இல்லை. உண்மையில் இது வேலைவாய்ப்பு தள்மே இல்லை. வேலை வாய்ப்புக்கான தேடிய்ந்திரம்.

அதாவது மற்ற வேலைவாய்ப்பு தளங்களில் உள்ள வேலைவாய்ப்புகளை தேடுவதறகான தேடியந்திரம். வேலை வாய்ப்புக்கான் கூகுல் என்றும் சொல்லலாம்.கூகுல் எப்படி இணையத்தில் உள்ள எண்ணற்ற தளங்களில் தேடி தேவையான தகவல்களை தருகிறதோ அதோ போல இந்த தளம் வேலை வாய்ப்பு தளங்களில் பட்டியலிடப்பட்டுள்ள வேலைகளில் இருந்து தேடி தருகிறது.

மேலும் மற்ற வேலை வாய்ப்பு தளங்களை போல இதில் பயோடேட்டவை எல்லாம் சமர்பிக்க வேண்டியதில்லை.

எந்த துறையில் வேலை தேவையோ அந்த துறையை கூறிப்பிட்டு தேடிப்பார்த்தால் வேலைகள் பட்டியலிடப்படுகினறன.கூகுலில் வரும் முடிவுகளை போலவே வரிசையாக வேலை வாய்ப்புகள் இடம்பெறுகின்றன.

அதன் பிறகு முடிவுகளை பல்வேறு வகைகளில் மாற்றியமைத்து பொருத்தமானதை தேர்வு செய்து கொள்ளலாம்.உதாரணத்திற்கு சமீபத்தில் வெளியான வேலைவாய்ப்புகள் ,ஒரு வாரம் முன வெளியானவை என்றும் சுருக்கி கொள்ளலாம்.

வேலைக்கான பதவியின் தன்மை குறித்தும் தேடலை அமைத்து கொள்ளலாம்.அதே போல எந்த நகரில் வேலை தேவை என்றும் குறிப்பிட்டு தேடலாம். வீட்டிலிருந்து எவ்வலவு அருகாமையில் இருக்க வேண்டும் என்று கூட் அகுறிப்பிடும் வசதி இருக்கிறது.

முழு நேரமா,பகுதி நேரமா என்றும் குறிப்பிட்டு தேடலாம்.கல்வித்த்குதியின் அடிப்படையிலும் தேடலை பட்டை தீட்டிக்கொள்ளலாம்.

மேலும் மேம்பட்ட தேடல் வசதியை பயன்படுத்தி எந்த வகையான வேலை எந்த கம்பெனியில் எந்த அம்சங்களோடு வேண்டும் என்றும் தேட முடியும்.

எந்த வேலை தேவை என்பதில் குழப்பம் இருந்தால் இந்த தளத்தில் பிரபலாமாக உள்ள தேடல் பதங்களை கிளிக் செய்து இப்போது வேலை வாய்ப்பு சந்தையில் என்ன டிரென்ட் என்றும் புரிந்து கொள்ள முயற்சிக்கலாம்.

சரியான வேலை வாய்ப்புக்காக பல்வேறு தளங்களுக்கு சென்று அல்லாடாமல் ஒரே தளத்தில் அழகாக வேலை வாய்ப்பை தேடலாம் என்பதோடு உறுப்பினராக பதிவு செய்ய வேண்டிய அவசியமும் இல்லை.

இந்தியர்களுக்கு மட்டும் அல்ல இந்தியாவில் குடிபெயர இருப்பவர்களும் இந்த தளத்தை பயன்படுத்தி கொள்ளலாம். அமெரிக்கா போன்ற வெளிநாடுகளில்  பணியாற்றி விட்டு தாயகம் திரும்பும் எண்ணம் கொண்டவர்களும் இதனை பயன்படுத்தலாம்.

இணையதள முகவரி;    http://www.jobsearch.in

இணையதள பண பரிமாற்றம் - 'பில்பிலோட்'

ஒன்லைன்-ல் ஒரு பொருள் வாங்குவதில் இருந்து புத்தகம் வாங்குவது வரை நாம் அத்தனைக்கும் பயன்படுத்துவது பேபால்( Paypal) தான் இந்த பேபால் தான் உலகம் முழுவதும் அனைவரும் அதிகமாக இணையதளம் மூலம் பொருள்களை வாங்க விற்க பயன்படுத்தும் சேவை.
பேபால் மூலம் ஒரு பொம்மை விற்பவர் கூட தனக்கென்றுஉள்ள இணையதளத்தை இலவச பேபால் கணக்கை தொடங்கி விடலாம் ஒவ்வொரு பொருளும் விற்றபின் நாம் சிறு தொகையை சேவைக்காக பிடித்துவிடுகின்றனர்.

இந்த பேபால் இப்போது வரை பணம் அனுப்புபவரின் முழு தகவல்களையும் சேமித்து வைப்பதில்லை எளிய முறையில் பணம் யாருக்கு வேண்டுமானாலும் அனுப்பலாம் ஆனால் பணம் அனுப்பியவரின் எந்த முகவரியையும் டிரேஸ் செய்வதில்லை இதுமட்டுமல்ல மேலும் பணம் அனுப்ப பயன்படுத்தும் இமெயில் முகவரியை கூட சில நேரங்களில் தவறாக பயன்பபடுத்தலாம் ஆனால் இந்த எந்தப்பிரச்சினையும் இல்லாமல் இணையதளத்தில் ப்ண பரிமாற்றம் செய்ய பேபால் மற்றும் வென்ராக் இணைந்து புதிதாக 'பில்பிலோட்' என்ற சேவை வர இருக்கிறது.

ஒரு பொருள் வாங்க பணம் அனுப்புவதற்கு பணம் அனுப்புவதில்லிருந்து அதன் அத்தனை விபரங்களையும் துல்லியாமாக கண்டுபிடித்து நமக்கு கொடுக்கும் அதுமட்டுமின்றி பணம் பெறுபவர்கள் தவறுதலாகவோ அல்லது தெரிந்தோ மாற்றி அனுப்பியிருந்தால் கூட தவறுதலாக பணம் அனுப்பியவரின் தகவல்களை கூட தெரிந்து கொள்ளலாம்.பேபால் மூலம் பணம் வெளிநாடுகளில் இருக்கும் நபர்களுக்கு அனுப்பினால் சென்று கிடைக்க மூன்று முதல் நான்கு வரை எடுத்துக்கொள்ளும் ஆனால் இந்த பில்பிலோட் சேவைமூலம் பணம் வெகு விரைவில் நம் கணக்கில் கிடைக்க ஏற்பாடும் செய்துள்ளனர்.

அதேபோல் இணையதள செக்யூரிட்டிக்கும் நம் கணக்கிற்கும் பாதுகாப்பு அதிகப்படுத்த்ப்பட்டுள்ளது.இணையதளத்தில் மட்டுமல்ல மொபைல்போன் மற்றும் வாய்ஸ் ரெககனேசன் மூலமும் பணம் அனுப்பும் தொழில்நுட்ப வசதிகளும் மேம்படுத்தப்பட்டுள்ளது.

அழகான புகைப்பட வடிவமைப்பிற்கு உதவும் இணையம்

அனைவருக்கும் தங்கள் புகைப்படங்கள் அழகாக தோன்ற வேண்டும் என்றும், மற்றவர்களை அது கவர கூடியதாய் அமைய வேண்டும் என்றும் எண்ணம் உண்டு.

புகைப்படங்களை மற்றவர்களை கவரும் வகையில் வடிவமைப்பதற்கு ஏராளமான தளங்கள் உள்ளன. அவற்றில் இருந்து சிறந்த 3 இணைய தளங்கள் கீழே கொடுக்கப்பட்டுள்ளன.

1. LOONA PIX.COM: இதில் புகைப்படங்களை பல வழிகளில் வடிவமைக்கலாம். போட்டோ பிரேம், அனிமேஷன், காலண்டர் பின்னணியிலும் வடிவமைக்கலாம்.

இத்தளத்தில் வடிவமைக்கப்படும் புகைப்படங்களை உங்கள் நண்பர்களுக்கு மின்னஞ்சல் மூலம் இத்தளத்தில் இருந்தே அனுப்பலாம்.

இணையதள முகவரி

2.LUNA PIC: இந்த தளமானது ஒரு ஓன்லைன் போட்டோ எடிடர் ஆக காணப்படுகிறது. இத்தளத்தில் Edit Your Profile Picture For Face Book, Animation, Rotating Cube, Add Text இவற்றுடன் பெயிண்டிங் வசதியும் உண்டு.

இணையதள முகவரி

3. FLAUNT R: இந்த தளத்தில் 1000க்கு மேற்பட்ட போட்டோ அனிமேஷன் உள்ளது. இந்த தளத்தில் இருந்து 30க்கு மேற்பட்ட சமூக வலைத்தளங்களுக்கான Profile புகைப்படத்தை வடிவமைக்க முடியும்.

இணையதள முகவரி

அங்கீகாரத்துடன் புதிய இலவச மென்பொருட்களை ஒரே இடத்தில் இருந்து நிறுவலாம்.

சாதாரன இலவச மென்பொருள் தறவிரக்க விரும்பினால் கூகிளில்

சென்று தேடி ஒவ்வொரு மென்பொருளாகத்தான் தறவிரக்க வேண்டும்
ஆனால் நமக்கு பயன்படும் அனைத்து இலவச மென்பொருட்களையும்
அங்கீகாரத்துடன் ஒரே இடத்தில் இருந்து எளிதாக நம் கணினியில்
நிறுவலாம் இதைப்பற்றித்தான் இந்தப்பதிவு.

புதிதாக அறிமுகமாகிக்கொண்டிருக்கும் அனைத்து பீரிவேர் ( Freeware)
அப்ளிகேசன் பற்றிய தகவல்களும் , எத்தனை பேர் இந்தப்புதிய
மென்பொருளை பயன்படுத்தியுள்ளனர் எப்படி இருக்கிறது என்று
பயன்படுத்திய மக்களின் பின்னோட்டத்துடன் நாம் எளிதாக
அறியலாம் நமக்கு உதவுவதற்காக ஒரு தளம் உள்ளது.

இணையதள முகவரி : http://www.freenew.net

இலவச மென்பொருட்களை கொடுக்க பல இணையதளம் இருந்தாலும்
சில நேரங்களில் இவ்வாறான தளங்களில் சென்று தறவிரக்கும் போது
Adware என்று சொல்லக்கூடிய தொல்லைகள் நம் கணினியில்
ஊடுறுவ வாய்ப்பிருக்கிறது. இதற்காக மென்பொருள் உருவாக்கும்
நிறுவனத்தின் இணையதளத்திற்கு சென்று தறவிரக்கலாம் அல்லது
இதே போல் நம்பிக்கையாக இருக்கும் தளத்தில் இருந்து இலவச
மென்பொருட்களை எளிதாக தேடி தறவிரக்கலாம். ஆனால் இந்தத்
தளத்தின் மூலம் நேரடியாக குறிப்பிட்ட மென்பொருள் உருவாக்கும்
இணையதளத்திற்கே இணைப்பு கொடுத்து நேரடியாக Install செய்யலாம்.
புதிதாக வெளிவரும் மென்பொருட்களையும் பழைய மென்பொருளின்
புதிய அப்டேசனை தறவிரக்க விரும்பும் அனைவருக்கும் இந்ததளம்
பயனுள்ளதாக இருக்கும்.

தொலைபேசியில் அனுப்புவதுபோன்று மின்னஞ்சலிலும் ஒலிச் செய்தியை(Voice Mail) நண்பர்களுக்கு அனுப்பலாம்

நண்பர்களுக்கு மின்னஞ்சலானது(E-Mail)அனுப்பும்போது எழுத்து வடிவிலேயே(Text Format)செய்தியை அனுப்புவதுண்டு. இதனால் அலுவலகத் தேவையுடையோர் தவிர ஏனைய பெரும்பாலானோர் மெயில்(Mail) அனுப்புவதில் அக்கறை கொள்வதில்லை. ஏனெனில் நினைக்கும் தகவல்கள் யாவற்றையும் முதலில் டைப்(Type) செய்யவேண்டும். அதிலும் பிரச்சனை ஆங்கிலத்தில் டைப் செய்வது. வசனப் பிழைகள் வருமென்ற அச்சம்.

ஆனால் தொலைபேசியில் அனுப்புவதுபோன்று மின்னஞ்சலிலும் ஒலிச் செய்தியை(Voice Mail) நண்பர்களுக்கு அனுப்பினால் எப்படியிருக்கும் என சிலசமயம் எண்ணியிருக்கலாம். இதனால் நேரமும் மிச்சமே.... உங்கள் எண்ணத்துக்கு பரிகாரமாகவே இவ் இடுக்கை அமைகின்றது.

நீங்கள் உங்கள் நண்பர்களுக்கு அனுப்பவேண்டிய செய்தியை உங்கள் குரலில் பதிவு செய்து அனுப்ப வேண்டுமா?

இதற்கு நீங்கள் முதலில் கீழ் உள்ள இணைப்பை கிளிக் செய்து அத் தளத்திற்கு செல்லுங்கள்...

http://vocaroo.com/

இப்போ கீழ் காட்டியவாறு அத் தளத்தின் முகப்பு காணப்படும். இங்கு சிவப்பு வட்டமிடப்பட்டு காட்டப்பட்ட “Click to Record” என்பதை கிளிக் பண்ணியபின் உங்கள் குரல் ஒலியை பதிவு செய்யவும். உங்கள் செய்தியைத் தெரிவித்து முடிந்ததும் “Stop” என்பதை கிளிக் பண்ணவும்.



இப்போ கீழ் உள்ளவாறான பக்கம் தோன்றும்.



இதில் பச்சை வட்டத்தால் காட்டப்பட்ட “Listen” என்பதைக் கிளிக் பண்ணி நீங்கள் பதிவுசெய்த செய்தி சரியா என்பதை உறுதிப் படுத்திக் கொள்ளலாம். மாற்றவேண்டுமெனத் தோன்றின் சிவப்பு வட்டத்தால் காட்டப்பட்ட “Record Again” என்பதை கிளிக் பண்ணி மீண்டும் பதிவு செய்துகொள்ளலாம்.

மின்னஞ்சல் மூலமாக நண்பர்களுக்கு அனுப்பவேண்டின் நீல வட்டத்தால் காட்டப்பட்ட “Send to a Friend” என்பதையும்; உங்கள் வலைத்தளம் மூலமாக அனுப்பவேண்டின் மண்ணிற வட்டத்தால் காட்டப்பட்ட “Post on the Internet”என்பதையும் தெரிவு செய்யலாம். நீங்கள் “Send to a Friend” என்பதை தெரிவுசெய்திருப்பின் கீழுள்ள பக்கம் தோன்றும்.



இதில் “Your email” என்பதில் உங்கள் மின்னஞ்சல் முகவரியையும் “Friend’s email(S)” என்பதில் அனுப்பவேண்டிய உங்கள் நண்பர்களின் மின்னஞ்சல் முகவரியையும் கொடுத்து “Send” என்பதை அழுத்தினால் போதும். உங்கள் ஒலிச் செய்தி அவர்களுக்கு அனுப்பப்பட்டுவிடும்.

இனி நீங்களும் முயற்சித்துப் பாருங்கள்

இன்டர்வியூ போகாமலே வேலை?

”சுரேஷ் தன் லேப் டாப்பைத் திறந்து, மெயிலில் இன்-பாக்ஸை ஓபன் பண்ணிய அடுத்த நொடியில் பிரமித்துப் போகிறான். காரணம், அமெரிக்காவில் இருக்கும் புகழ்பெற்ற ஐ.டி. கம்பெனியில் இருந்து அவனுக்கு வேலைக்கு அழைப்பு வந்திருக்கிறது.

சந்தோஷத்துடன் விஷயத்தை அம்மா, அப்பாவிடம் சொல்கிறான். அப்பா, உற்சாகமாகி மகன் அமெரிக்காவுக்கு போவதற்கு பாஸ்போர்ட் எடுப்பது, விசா வாங்குவது பற்றிய விசாரணையில் இறங்குகிறார்.

இதைக் கேள்விப்பட்ட அப்பாவின் நண்பர் ஒருவர், ‘ஏம்ப்பா… எப்ப நீ அந்த கம்பெனியில இன்டர்வியூ அட்டண்ட் பண்ணினே?’ எனக் கேட்க… அப்போதுதான் உறைக்கிறது சுரேஷ§க்கு… ‘இன்டர்வியூ அட்டண்ட் பண்ணாமலே எப்படி இது?!’ என்று! மெயிலை முழுமையாகப் படித்த பின்புதான் புரிந்தது அது ஏமாற்று வேலை என்பது!”

- இன்டெர்நெட் வழியாக ஏமாற்றும் வித்தைகள் பற்றி, விறுவிறுப்பாக திரைக்கதை வசனத்தோடு சொன்னார் ‘கெம்பா இன்ஸ்டிடியூட் ஆஃப் மேனேஜ்மென்ட்’ நிறுவனத்தின் இயக்குநர் கார்த்திகேயன்.

”இதைக்கேட்டதுமே… இன்டெர்நெட்டில் வேலை தேடுவது ஆபத்தானது என்று அச்சப்பட்டு பதுங்கிவிடக்கூடாது. காரணம், இன்றைய உலகில் இன்டர்நெட் இல்லாமல் இயங்கவே முடியாது என்ற சூழல்தான் நிலவுகிறது. அதுமட்டுமல்ல… இன்டர்நெட்டில்தான் ஏமாற வேண்டும் என்றில்லை. எப்படி வேண்டுமானாலும் ஏமாற்றப்படலாம் என்பதும் உண்மைதானே! எனவே, ஏமாறாமல் இருப்பது எப்படி என்பதைத் தெரிந்து கொள்வது அவசியம்.

‘நீங்க தமிழ்லயிருந்து இங்கிலீஷ§க்கு நல்லா டிரான்ஸ்லேட் பண்ணுவீங்களா? அப்ப எங்க வெப் அட்ரஸ்ல ரெஜிஸ்டர் பண்ணுங்க’; ‘வீட்டுல இருந்தபடியே ஒரு நாளைக்கு 100 டாலர் சம்பாதிக்கணுமா..? உடனே இந்த லிங்க் அட்ரஸ்ஸ கிளிக் பண்ணுங்க’ என்று ஆரம்பித்து, இரண்டு ஸ்டெப் போனதும், மூன்றாவது ஸ்டெப்பாக ’40 டாலரை முன் பணமா செலுத்துங்க. உங்க கிரெடிட் கார்டு நம்பரை ரெஜிஸ்டர் பண்ணுங்க’ என்று அந்த வெப்சைட் கேட்டால்… உடனே அலர்ட் ஆகிவிட வேண்டும். வேலை கொடுக்கும் எந்த ஒரிஜினல் நிறுவனங்களும் நம்மிடம் இருந்து முன்பணம் கட்ட சொல்ல மாட்டார்கள்!” என்று தெளிவு படுத்தியவர்,

”அதேபோல் ‘காக்னிசென்ட்’ நிறுவனத்தில் ‘டொமஸ்டிக் காலர்’ வேலைக்கு 400-500 ஆட்கள் தேவைப்படுகிறார்கள் என்று ஒரு வெப்சைட்டில் விளம்பரம் வந்தால்… அது வடிகட்டின பொய்; ஏமாற்றுத் தந்திரம். அம்மாதிரியான பெரிய நிறுவனங்கள் மிடில் லெவலில் உள்ள வேலைகளுக்கு வெப்சைட்டில் விளம்பரம் கொடுக்க மாட்டார்கள் என்பதுதான் நிதர்சனம்!” என்று எச்சரித்தார்.

நிறைவாக, ”வேலை தேடுகிறேன் என்ற வேகத்தில் கிடைக்கிற அத்தனை ஜாப்-போர்ட்டல்களிலும் பயோடேட்டாவை போஸ்ட் செய்தால், அதை இன்னொரு ஏமாற்றுக் கம்பெனி கையில் எடுத்து, நீங்கள் அவர்களிடம் ரெஜிஸ்டர் செய்தது போல் மிஸ்யூஸ் பண்ணுவதற்கு வாய்ப்பு உள்ளது. எனவே, நீங்கள் ரெஜிஸ்டர் செய்த போர்ட்டலில் அல்லாமல் வேறு யாரிடம் இருந்து ‘உங்களுக்கு வேலை தயார்’ என்று மெயில் வந்தாலும் அலட்சியம் செய்துவிடுங்கள்!” என்றார் கார்த்திகேயன் அக்கறையோடு!

வேலை தேடும் ஆர்வத்தில் ஹைடெக்காக ஏமாறாமல் இருக்க வேண்டியதும் முக்கியம் ஃப்ரெண்ட்ஸ்!

பாதுகாப்பான இணையத்தளத்தை எப்படி அறிந்து கொள்ளலாம்!

குறிப்பாக எந்த வகையில் பாதுகாப்பானது என்று எதிர்பார்க்கிறீர்கள்? அதன் முகவரியில் http:// என்று வழக்கமாக இருக்கும் இடத்தில் https:// என்று இருந்தால் அது பாதுகாப்பானது. 

இதன் உறுதியான, பாதுகாப்பான நிலையில் நம்பிக்கை வைத்து தகவல்களைத் தரலாம். இன்னொரு வழியும் உள்ளது. http://www.google.com/safebrowsing/diagnostic?site=“ ” என டைப் செய்து மேற்கோள் குறிகளுக்கிடையே அந்தக் குறியீடுகள் இல்லாமல், அந்த தளத்தின் முகவரி கொடுத்து, பிரவுசரின் அட்ரஸ் பாரில் அமைத்து என்டர் தரவும். 

அந்த தளம் குறித்த தகவல்கள், அதன் தன்மை குறித்த விபரங்கள் உங்களுக்குக் கிடைக்கும். கடந்த 60 அல்லது 90 நாட்களில், அந்த தளத்தினை கூகுள் நிறுவனம் சென்று வந்தது எனவும், எந்த வித கெடுதல் விளைவிக்கும் சாப்ட்வேர் தொகுப்பினை அது பரவவிடவில்லை எனவும் சான்றிதழ் கிடைக்கும். 

மோசமான தளமாக இருந்தால், அதன் தன்மை குறித்து தகவல் இருக்கும். அருகே தினமலர் இணைய தளம் குறித்து கேட்டதற்குக் கிடைத்த பதிலைப் பார்க்கலாம்

மனம்+: கணிப்பொறி மற்றும் இணைய பயன்பாடு அடிமைப் பழக்கம்

இன்றைய உலகில் இணையப் பயன்பாடு என்பது அதிகமாகி விட்டது. ஒவ்வொருவரும் தங்களது தேவைகள், விருப்பங்களுக்கு ஏற்ப கால அளவில் பயன்படுத்துகின்றனர். சிலர் இந்த இணையதளங்களில் நீண்ட நேரம் செலவிடுவார்கள். அதை பயன்படுத்தாமல் அவர்களால் இருக்க முடியாது. அதற்கு அடிமையாகி போகிறார்கள். இது கிட்டதட்ட ஒரு போதை பழக்கம் போலத்தான்.

இணைய அடிமை பழக்கம் ஒரு வியாதி அல்ல. எனினும், சிலருக்கு இதனால் கடுமையான பிரச்சினைகள் ஏற்படலாம். நான் இங்கே இணையப் பழக்கம் என்பது இணையதளங்களை மட்டும் பயன்படுத்துவதை குறிப்பிடவில்லை. விளையாட்டுக்கள், மற்ற விஷயங்கள் என கணிணியிலேயே மூழ்கி இருப்பதையும் இது குறிப்பிடுகிறது.


இந்தப் பழக்கம் சில வருடங்களாகத் தான் அதிகமாகி வருகிறது. அதற்கு MySpace, Facebook, அல்லது Twitter போன்ற சமூக வலைத்தலங்களும் Email, online chat போன்றவைகளும் கூட காரணமாகும். (இங்கே பிளாக்கிங்கை கூட சேர்த்துக் கொள்ளலாம்).

இந்த அடிமைப் பழக்கத்தினால் ஏற்படும் தீமைகளாவன: கவலை மிகுதியாகும். இதனால் anxiety disorder எனப்படும் மன அழுத்த நோய் ஏற்படலாம். அதிக தனிமை உண்டாகும். சூதாட்டம், செக்ஸ் போன்ற பழக்கங்கள் (மது, போதை மருந்துகள் பழக்கம் கூட) உண்டாகலாம். சமூக உறவும் பழக்கமும் குறைகிறது. நீண்ட நேரம் ஒரே இடத்தில் உட்கார்ந்திருப்பதால் சில உடல் சார்ந்த நோய்களும் ஏற்படலாம். pornography மற்றும் cybersex ஆகியவை இந்த இணையப் பழக்கத்தால் உண்டாகும் முக்கிய தீமையாகும். இதற்கு அடிமையானாலும் மேற்கண்ட பிரச்சினைகள் உண்டாகும்.

இந்த இணைய அடிமைப் பழக்கத்தை கண்டறிய ஒரு சோதனை:

TIME PASS

ஆண்ட்டி வைரஸ் தொகுப்புகள் நமக்குத் துணை இருக்காது

எப்போதும் போல கம்ப்யூட்டர் இயக்கத்திற்கு இடையூறு தந்து, நம் பெர்சனல் தகவல்களைத் திருடி அதன் மூலம் பலவகையான மோசடிகளில் ஈடுபடும் கும்பல் தொடர்ந்து இந்த வேலையில் ஈடுபட்டுக் கொண்டுதான் உள்ளது. பலவீனமான வழிகளைக் கண்டு அவற்றை அடைத்தாலும், சாப்ட்வேர் பயன்பாட்டு தொகுப்புகளில், மேலும் மேலும் பல புதிய இடங்களைக் கண்டறிந்து, அவற்றின் மூலம் கெடுதல் விளைவிக்க இவர்கள் செயல்பட்டு வருகின்றனர். இவர்களுக்கு இணையாகவும், சில கூடுதலான சாமர்த்தியங்களுடன் தற்போதைய ஆண்ட்டி வைரஸ் தொகுப்புகள் இயங்கி வருகின்றன. இருந்தாலும், எந்நேரமும் ஆண்ட்டி வைரஸ் தொகுப்புகள் நமக்குத் துணை இருக்காது. பல நேரங்களில் நம் சமயோசிதப் புத்திசாலித்தனம் தான், இத்தகைய தீய விளைவுகளிலிருந்து முன்னெச்சரிக்கையாக இருக்க உதவும்.

இந்த ஆண்டில், இவ்வாறான தீய விளைவுகளுக்கு வழி தரக்கூடிய ஐந்து முக்கிய பிரிவுகளை, வைரஸ் எதிர்ப்பு ஆய்வு நிறுவனங்கள் பட்டிய லிட்டுள்ளன. குறிப்பாக, சோபோஸ் (Sophos) பாதுகாப்பு நிறுவன தொழில் நுட்ப ஆய்வாளர் கிரஹாம் க்ளூலி முக்கிய சில பிரிவுகள் குறித்து எச்சரிக்கை தந்துள்ளார். அவை எவை என்று இங்கு பார்க்கலாம். இவர் தலைமை மேற்கொண்டிருக்கும் குழு, பழைய புதிய மால்வேர் தொகுப்புகளாக, தினந்தோறும் 95,000 வகைகளை ஆய்வு செய்து வருகிறது என்பது இங்கு குறிப்பிடத் தக்கது.

1. முதல் அபாயம் - மொபைல் சாதனங்கள்: இங்கு மொபைல் சாதனங்கள் என்றுகுறிப்பிடப்படுவது மொபைல் போன்கள் மட்டுமல்ல. அவற்றையும் சேர்த்து நாம் செல்லும் வழியெல்லாம் செயல்பட எடுத்துச் செல்லும் கம்ப்யூட்டர் மற்றும் துணை சாதனங்களாகும். முதலாவதாக, மொபைல் போன்களில் ஸ்மார்ட் போன்கள் இவ்வகை அபாயத்திற்கு ஆளாகின்றன. உலக அளவில் 85% இளைஞர்கள் மொபைல் போன் பயன்படுத்துகின்றனர். ஒரு சில நாடுகளில் இவர்களில் பலர் ஸ்மார்ட் போன் பயன்படுத்துகின்றனர். ஸ்மார்ட் போன் விலையும் குறைந்து வருவதால், இவற்றின் எண்ணிக்கையும் அதிகரித்து வருகிறது. எனவே இந்த போன்களில் பயன்படுத்தக் கிடைக்கும் அப்ளிகேஷன்கள் வழியாகப் பல வைரஸ்களும் மால்வேர் தொகுப்புகளும் பரவத் தொடங்கிவிட்டன. அண்மையில் மார்ச் 1 அன்று கண்டறிந்தபடி, கூகுள் நிறுவனத்தின் அதிகார பூர்வமான ஆண்ட்ராய்ட் மார்க்கட்டில் இருந்த ஐம்பதுக்கும் மேற்பட்ட தர்ட் பார்ட்டி தொகுப்புகளில் ட்ராய்ட் ட்ரீம் (DroidDream) என்னும் ட்ரோஜன் வைரஸ் இருப்பது கண்டறியப்பட்டது. இந்த வைரஸ் உள்ள தொகுப்பினை இயக்கியவுடன், போனில் அதன் உரிமையாளர் அனுமதியின்றி அனைத்து தகவல்களையும் கையாளும் வசதியை இந்த வைரஸ் பெறுகிறது. இதன் மூலம் மேலும் பல வைரஸ் கொண்ட அப்ளிகேஷன்களை, போனுக்கு இந்த வைரஸ் டவுண்லோட் செய்து கொள்கிறது. 

இந்த வைரஸ் குறித்து அறிந்த கூகுள் நிறுவனம், தன் ஆண்ட்ராய்ட் மார்க்கட்டில் உள்ள அனைத்து தொகுப்பு களையும் ஆய்வு செய்து, இந்த வைரஸ் இருந்த அப்ளிகேஷன்கள் அனைத்தை யும் நீக்கியது.

அதே போல மற்ற போன்களில் பரவி இருந்த இதே வைரஸையும் தானாகவே நீக்கியது. 

சீனாவில், இவ்வகையான வைரஸ்கள், ஆன்லைன் அமைப்புகள் வழியே மொபைல் போன்களில் பரவியது கண்டறியப்பட்டுப் பாதுகாப்பு நடவடிக்கைகள் எடுக்கப்பட்டன.

எனவே மொபைல் போனுக்கான அப்ளிகேஷன்களை டவுண்லோட் செய்கையில், இணைய தளம் சென்று, அந்த அப்ளிகேஷன்கள் பாதுகாப் பானவை தானா என்று உறுதி செய்து கொண்டு செயல்பட அனைத்து வைரஸ் எதிர்ப்பு நிறுவனங்களும் கேட்டுக் கொண்டுள்ளன.

2. சமுதாய இணைய தள வழி: பேஸ்புக் மற்றும் ட்விட்டர் போன்ற சோஷியல் நெட்வொர்க் இணைய தளங்கள் , மக்களிடையே நல்லுறவினை வளர்க்கும் அதே வேளையில், வைரஸ்கள் வளர்ந்து பரவு வதற்கு ஏற்ற இடங்களாகவும் மாறி வருகின்றன. ஆண்ட்டி வைரஸ் தொகுப்பு கள் தயாரிக்கும் பிட் டிபண்டர், இது குறித்துக் கூறுகையில், பேஸ்புக் தளத்தில் உள்ள 20% பேர், மிக எளிதாக மால்வேர் தாக்குதலுக்கு ஆளாகும் நிலையில் உள்ளவர்களாகக் காணப்படுகின்றனர் என்று அறிவித்துள்ளது. இந்த தளங்களில் ஸ்கேம்கள் வழியாக பல மோசமான விளைவுகள் ஏற்பட்டுள்ளன. போட்டோக்கள், வீடியோக்கள் ஆகியவற்றினைத் தூண்டுதல்களாகக் கொண்டு இவை இந்த தள உறுப்பினர் களைச் சிக்க வைக்கின்றன. போலியான சில அப்ளிகேஷன்கள் வழியாகவும் இவை பரவுகின்றன. சிக்கிடும் நபர்களின் மொபைல் போன் எண், பிறந்த நாள், ஊர், பிடித்த மற்றும் பிடிக்காத விஷயங்கள் குறித்த தகவல்களைத் திருடி, அவர்களைப் போல போலியான ஒரு தோற்றத்தை உருவாக்கி ஏமாற்ற முயல்கின்றனர். 

எனவே உங்கள் நண்பர்கள் என்று சொல்லிக் கொண்டு போட்டோ மற்றும் வீடியோவினைப் பார்க்க அழைக்கும் ஸ்கேம் தகவல்களை எச்சரிக்கையுடன் அணுக வேண்டும். அல்லது முற்றிலுமாகத் தவிர்க்க வேண்டும்.

3. போலி ஆண்ட்டி வைரஸ் தொகுப்புகள்: அண்மைக் காலத்தில் பிரபலமான ஆண்ட்டி வைரஸ் தொகுப்புகளின் பெயரில், போலியான சில அறிவிப்புகள் வெளியாகின்றன. இவற்றை நம்பி செயலில் இறங்குபவர் களின் கம்ப்யூட்டர் தகவல்கள் முழுமையாகத் திருடப்படுகின்றன. சோபோஸ் நிறுவனம் இது வரை 8,50,000க்கும் மேற்பட்ட போலி ஆண்ட்டி வைரஸ் அறிவிப்புகளைக் கண்டறிந்து எச்சரிக்கை செய்திகளை வழங்கியுள்ளது. இவற்றை “scareware” என இந்நிறுவனம் அழைக்கிறது. முதலில் பிரபலமான ஆண்ட்டி வைரஸ் நிறுவனத்தின் பெயரில், இலவச ஆண்ட்டி வைரஸ் புரோகிராம்களைத் தருவதாக, மக்களை இது ஏமாற்றுகிறது. சிக்குபவர்களுக்கு, ஏதேனும் ஒரு புரோகிராமை இயக்கி கம்ப்யூட்டரை ஆய்வு செய்வதாகக் கூறுகிறது. பின்னர், உங்கள் கம்ப்யூட்டர் மோசமான வைரஸ் வசம் சிக்கியுள்ள தாகவும், அதனை நீக்க ஒருமுறை கட்டணம் செலுத்தித் தங்களிடம் உள்ள ஆண்ட்டி வைரஸ் தொகுப்பினைப் பெற்றுக் கொள்ளலாம் என்று ஆசை காட்டிச் சிக்க வைக்கிறது. இதற்கு இணங்குபவர்களிடம் உங்களின் கிரெடிட் கார்ட் மூலம் கட்டணத்தைச் செலுத்தச் சொல்லிக் கேட்டுப் பின்னர், அந்த கிரெடிட் கார்டில் உள்ள பணம் அனைத்தையும் சுரண்டி விடுகிறது. 

இது போல அறிவிப்பு வருகையில், சம்பந்தப்பட்ட ஆண்ட்டி வைரஸ் புரோகிராம்களைத் தரும் நிறுவனங்களின் இணைய தளங்களுக்கு நீங்களாகச் சென்று, அவ்வாறு ஏதேனும் புதிய புரோகிராம் உள்ளதா என்று அறிந்து கொள்வதே நல்லது.

4. பி.டி.எப். டாகுமெண்ட் வழி: இந்த வழி மிக மிகப் பழைய வழி என்றாலும், இன்னும் தொடர்ந்து கொண்டுதான் இருக்கிறது. இமெயில் வழியாக ஸ்பேம் மெயில்களை, இணைக்கப் பட்ட பைல்களுடன் அனுப்பி, அவற்றை டவுண்லோட் செய்து திறந்தவுடன் கம்ப்யூட்டரில் பரவி தகவல்களைத் திருடுவது இந்த பழக்கத்தின் வழியாகும். 

இப்போது இவ்வாறு இணைக்கப் படுவது பெரும்பாலும் பி.டி.எப். பைல்களாகத் தான் உள்ளன. ஏனென்றால், வைரஸ்களை பி.டி.எப். பைல்களில் இணைப்பது மிகவும் எளிதான ஒரு வழியாகும். 2010 ஆம் ஆண்டில், இவ்வாறு மோசமான நோக்கத்திற்காக அனுப்பப்பட்ட மெயில்களில் 65% மெயில்களில் பி.டி.எப். பைல்களே வைரஸ்களுடன் அனுப்பப்பட்டன என்று கண்டறிந்துள்ளனர். இது முந்தைய 2009 ஆம் ஆண்டில், 52.6% ஆக இருந்தது. நடப்பு ஆண்டில் இது 76% ஆக உயரும் என்று எதிர்பார்க்கப் படுகிறது.

இதனைத் தடுக்க, நல்லதொரு ஆண்ட்டி வைரஸ் புரோகிராம் ஒன்றை எப்போதும் இயக்க நிலையிலும், அப்டேட்டட் நிலையிலும் வைத்திருக்கவும். இமெயில்களுடன் வரும் இணைப்பு களை, நீங்கள் எதிர்பார்த்த இணைப்பாக இல்லாமல் இருந்தால் திறக்க வேண்டாம். அப்படியே திறக்க வேண்டும் என எண்ணினால், ஆன்லைனில் ஆண்ட்டி வைரஸ் புரோகிராம் கொண்டு சோதித்து முடிவுகளைக் கூறும் தளங்களுக்கு அவற்றை அனுப்பி, முடிவு பெற்ற பின்னரே திறக்கவும்.

5. இணைய வழி நிறுவன யுத்தம் : வர்த்தக ரீதியாகப் போட்டியிடும் நிறுவனங்கள், இப்போது ஒருவரை ஒருவர் காலை வாரும் வேலைக்கு இணையத்தைப் பயன்படுத்தத் தொடங்கிவிட்டனர். போட்டி நிறுவனத்தின் சர்வருக்கு மால்வேர்களை அனுப்பி, அந்நிறுவனத்தின் ரகசிய தகவல்களைத் திருடும் வேலை அமெரிக்க ஐரோப்பிய நாடுகளில் நடைபெறு கின்றன. விக்கிலீக்ஸ் தளத்தை முற்றுகையிட்ட முயற்சி மற்றும் எகிப்து, லிபியா மற்றும் துனிஷியா நாட்டில் தொடங்கிய போராட்டங்கள் ஆகிய வற்றின் பின்னணியில் இது போன்ற இணையக் கெடுதல் வேலைகள் இருந்ததாகத் தெரிகின்றன. இன்னும் இந்தியாவில் இந்த வேலை தொடங்கப் படவில்லை. ஆனால் அந்த நாளும் சீக்கிரம் வரலாம் என்றே நிறுவனங்கள் கருதுகின்றனர். இந்த முயற்சிகள் தனிப்பட்ட நபரைப் பாதிப்பதில்லை.