யா.பெரல்மான்
என் சிறுவயதிலிருந்தே இந்த புத்தகம் எங்கள் வீட்டிலிருக்கிறது. "Mathematics Can Be Fun" இதன் ஆங்கில மொழியாக்கம் என்று நினைக்கிறேன். "Arithmetic for entertainment" ஆகவும் இருக்கலாம். சரியாகத் தெரியவில்லை. ரஷ்ய மூல நூலின் பெயர் தெரியவில்லை.
கணிதத்தில் எனக்கு ஈடுபாடு ஏற்பட்டதற்கு இந்த புத்தகம் மிக முக்கிய காரணம். இந்த புத்தகம் கணிதம் சொல்லித் தரவில்லை. மாறாக உணர வைத்தது.
முதல் அத்தியாயத்தில் பன்னிரெண்டு கணிதப் புதிர்கள் சுவாரஸ்யமான கதைகளாக சொல்லப்பட்டிருக்கும். அவற்றுக்கான விடைப் பகுதியில், இப்பொழுது வரும் கணித புத்தகங்கள் போல விடைகள் மட்டுமில்லாமல், எப்படி அந்த விடைகள் வரும் என்ற விளக்கமும் எளிமையாக புரியும்படி இருக்கும். தேவையான இடங்களில் அழகான கோட்டுச்சித்திரங்கள், நம்மை அந்த கணித உலகுக்குள் ஒரு பிரமிப்புடன் இட்டுச் செல்லும். எண்கணிதம், வடிவகணிதம், சாத்தியக்கூறு என்று கணிதத்தின் பல பிரிவுகளையும் தொட்டுச் செல்கிறார் பெரல்மான். இதில் அசுர எண்கள் என்ற தலைப்பின் கீழ் வரும் கதைகளும், உதாரணங்களும் மிக மிக சுவையானவை.
இப்பொழுது அடிக்கடி நடக்கும் ஆட்களை சங்கிலியில் இணைக்கும் வியாபாரம் போல, அப்பொழுதே ரஷ்யாவில் நடந்த ஒரு விவகாரத்தை குறிப்பிட்டு, அதற்கு சின்னதாய் ஒரு கணக்கும் போட்டு, இந்த மாதிரி சங்கிலித் தொடர் வியாபாரம் எவ்வளவு பெரிய மோசடி வேலை என்று விளக்கியுள்ளார். இதை படித்திருந்ததால், கல்லூரி பயிலும் பொழுது, இது போன்ற ஒரு வியாபாரத்திலிருந்து தப்பித்திருக்கிறேன்.
இந்த புத்தகத்தில் எனக்கு புரியாதது இரண்டாவது அத்தியாயம்தான். இந்த அத்தியாயத்தில் ரஷ்யாவிலும், சீனாவிலும் புகழ்பெற்ற விளையாட்டான டொமினோ ஆட்டம் குறித்த புதிர்களும், விளக்கங்களுமாய் இருக்கும். இந்த ஆட்டம் பற்றி நமக்கு தெரியாதாகையால், அந்த அத்தியாயம் இன்றுவரை எனக்கு புதிராகவே இருக்கிறது.
முன்னேற்ற பதிப்பகத்தார் பதிப்பித்த இந்த புத்தகம், நியூ செஞ்சுரி புக் ஹவுஸில் வாங்கப்பட்டதென்று, அதிலிருந்த முத்திரை மூலம் ஊகித்து கொண்டேன். துரதிர்ஷ்டவசமாக இந்த புத்தகத்தை நீங்கள் இப்பொழுது வாங்க முடியாது. ஏற்கெனவே யாரிடமாவது இருந்து, அவர்களிடமிருந்து கடன் வாங்கினால்தான் உண்டு! எதாவது நூலகத்தில் கிடைத்தால் உங்கள் அதிர்ஷ்டம். இணையத்தில் நான் தேடிப்பார்த்த வரையில் கிடைக்கவில்லை.ஸ்பானிஷ் மொழிபெயர்ப்பு அமேசானில் கிடைக்கிறது. தமிழ் மொழிபெயர்ப்பு உங்களுக்கு கிடைத்தால் எனக்கு தெரிவிக்கவும். ஏனென்றால் எனது பிரதியும் எங்கோ தொலைந்து போய்விட்டது
கணிதத்தில் எனக்கு ஈடுபாடு ஏற்பட்டதற்கு இந்த புத்தகம் மிக முக்கிய காரணம். இந்த புத்தகம் கணிதம் சொல்லித் தரவில்லை. மாறாக உணர வைத்தது.
முதல் அத்தியாயத்தில் பன்னிரெண்டு கணிதப் புதிர்கள் சுவாரஸ்யமான கதைகளாக சொல்லப்பட்டிருக்கும். அவற்றுக்கான விடைப் பகுதியில், இப்பொழுது வரும் கணித புத்தகங்கள் போல விடைகள் மட்டுமில்லாமல், எப்படி அந்த விடைகள் வரும் என்ற விளக்கமும் எளிமையாக புரியும்படி இருக்கும். தேவையான இடங்களில் அழகான கோட்டுச்சித்திரங்கள், நம்மை அந்த கணித உலகுக்குள் ஒரு பிரமிப்புடன் இட்டுச் செல்லும். எண்கணிதம், வடிவகணிதம், சாத்தியக்கூறு என்று கணிதத்தின் பல பிரிவுகளையும் தொட்டுச் செல்கிறார் பெரல்மான். இதில் அசுர எண்கள் என்ற தலைப்பின் கீழ் வரும் கதைகளும், உதாரணங்களும் மிக மிக சுவையானவை.
இப்பொழுது அடிக்கடி நடக்கும் ஆட்களை சங்கிலியில் இணைக்கும் வியாபாரம் போல, அப்பொழுதே ரஷ்யாவில் நடந்த ஒரு விவகாரத்தை குறிப்பிட்டு, அதற்கு சின்னதாய் ஒரு கணக்கும் போட்டு, இந்த மாதிரி சங்கிலித் தொடர் வியாபாரம் எவ்வளவு பெரிய மோசடி வேலை என்று விளக்கியுள்ளார். இதை படித்திருந்ததால், கல்லூரி பயிலும் பொழுது, இது போன்ற ஒரு வியாபாரத்திலிருந்து தப்பித்திருக்கிறேன்.
இந்த புத்தகத்தில் எனக்கு புரியாதது இரண்டாவது அத்தியாயம்தான். இந்த அத்தியாயத்தில் ரஷ்யாவிலும், சீனாவிலும் புகழ்பெற்ற விளையாட்டான டொமினோ ஆட்டம் குறித்த புதிர்களும், விளக்கங்களுமாய் இருக்கும். இந்த ஆட்டம் பற்றி நமக்கு தெரியாதாகையால், அந்த அத்தியாயம் இன்றுவரை எனக்கு புதிராகவே இருக்கிறது.
முன்னேற்ற பதிப்பகத்தார் பதிப்பித்த இந்த புத்தகம், நியூ செஞ்சுரி புக் ஹவுஸில் வாங்கப்பட்டதென்று, அதிலிருந்த முத்திரை மூலம் ஊகித்து கொண்டேன். துரதிர்ஷ்டவசமாக இந்த புத்தகத்தை நீங்கள் இப்பொழுது வாங்க முடியாது. ஏற்கெனவே யாரிடமாவது இருந்து, அவர்களிடமிருந்து கடன் வாங்கினால்தான் உண்டு! எதாவது நூலகத்தில் கிடைத்தால் உங்கள் அதிர்ஷ்டம். இணையத்தில் நான் தேடிப்பார்த்த வரையில் கிடைக்கவில்லை.ஸ்பானிஷ் மொழிபெயர்ப்பு அமேசானில் கிடைக்கிறது. தமிழ் மொழிபெயர்ப்பு உங்களுக்கு கிடைத்தால் எனக்கு தெரிவிக்கவும். ஏனென்றால் எனது பிரதியும் எங்கோ தொலைந்து போய்விட்டது
|
|
No comments:
Post a Comment