உங்களை ஆச்சரியத்தில் ஆழ்த்தபோகும் புதுரக கார். வீடியோ

உங்களை ஆச்சரியத்தில் ஆழ்த்தபோகும் புதுரக கார். வீடியோ

60 குழந்தைகளை ஜெயிலில் அடைத்தார் ஜெயலலிதா..எதற்காக

பாசிச ஜெயாவின் விலையேற்ற அறிவிப்பைக் கண்டித்து ஆர்ப்பாட்டம் நடத்துவதைக்கூட போலீசு விரும்பவில்லை. 7 குழந்தைகள், உட்பட 60 தோழர்களை சிறையில் அடைத்திருக்கிறது

பாசிச ஜெயா அரசு பால், பேருந்து, மின்சாரம் ஆகியவிற்றின் மீது ஏற்றியுள்ள கடுமையான கட்டண உயர்வை கண்டித்து திருச்சியில் ம.க.இ.க, பு.மா.இ.மு, பு.ஜ.தொ.மு, பெ.வி.மு.சார்பாக 22.11.2011 அன்று காலை 10 மணியளவில் ரயில்வே ஜங்சன் முன்பு கண்டன ஆர்ப்பாட்டம் நடைபெற்றது. நூற்றுக்கணக்கான மக்கள் பெருந்திரளாக பங்கேற்றனர்.

முதலில் ஜெயலலிதாவின் பாசிச ஆட்சியை கண்டித்து விண்ணதிர முழக்கமிடப்பட்டது. பிறகு புரட்சிகர மாணவர் இளைஞர் முன்னணி தோழர் தலைமை வகித்தார். அடுத்த நிகழ்வாக ஒரு சிறு நாடகம். ஜெயலலிதா வேடமணிந்து வந்த பெண் தோழர் ” நான் தான் ஜெயலலிதா, தமிழகத்தின் முதல்வர், விலைவாசி ஏற்றம் கடுமையாகத்தான் இருக்கும், மருந்து கசப்பாகத்தான் இருக்கும், பழகிக்கொள்ளுங்கள்” என்று கூறியவுடன் பொதுமக்கள் அவரை நோக்கி வந்து ”உனக்கு ஓட்டு போட்டு ஜெயிக்க வச்சதுக்கு இதுவும் சொல்லுவ, இதுக்கு மேலயும் சொல்லுவ! உனக்கெல்லாம் நாலு சாத்து வச்சாதான் சரிபடும்” என்று கூறிக்கொண்டே தாக்க ஆரம்பித்தனர்.

இந்த காட்சியை கவனித்துக்கொண்டிருந்த காவல்துறையினர் கூட்டத்தினுள் புகுந்து “ஆர்ப்பாட்டத்தை உடனே நிறுத்துங்கள் உங்கள் அனைவரையும் கைது செய்கிறோம்” என்று மிரட்ட தோழர்கள் “அனுமதி பெற்றுத்தானே ஆர்ப்பாட்டம் நடத்துகின்றோம், ஏன் கைது செய்கிறீர்கள்?” என கேட்க ஆர்ப்பாட்டத்தில் முதல்வர் ஜெயலலிதாவை போல் வேடமணிந்து அவரை தாக்கி அவமானப் படுத்தியதுதான் தவறு என்று அழாத குறையாக விளக்கம் சொன்னது போலீசு.

தோழர்களுக்கும் காவல்துறையினருக்கும் வாக்குவாதம் முற்றி இறுதியில் மூன்று வேன்களும் 50க்கும் மேற்ப்பட்ட காவல்துறையினர் வரவழைக்கப்பட்டு 7 குழந்தைகள், பெண்கள் உட்பட 70பேரை கைது செய்தனர்.

அன்று மாலையே அதில் பத்து பேரைத் தவிர மற்றவர் அனைவரும் 60 தோழர்கள் சிறையில் அடைக்கப்பட்டனர். இதில் பெண்களும், குழந்தைகளும் அடக்கம்.

பாசிச ஜெயாவின் விலையேற்ற அறிவிப்பைக் கண்டித்து ஆர்ப்பாட்டம் நடத்துவதைக்கூட போலீசு விரும்பவில்லை. அதிலும் ஜெயாவின் வேடமணிந்து நடித்ததை ஏதோ மாபெரும் தீவிரவாத நடவடிக்கை போல சித்தரித்து கைது செய்து சிறையில் அடைக்கிறது போலீசு.

பேயாட்சி நடந்தால் பிணம் தின்னும் சாத்திரங்கள் என்பது பாசிச ஜெயாவின் ஆட்சிக்கு பொருத்தமாகவே இருக்கிறது. எனினும் புரட்சிகர அமைப்புகள் பேயாட்சியை தொடர்ந்து மக்கள் மத்தியில் அம்பலப்படுத்துவார்கள். சிறை, மிரட்டலெல்லாம் அவர்களை அச்சுறுத்தாது. தற்போது திருச்சி சிறையில் சிறைவாசிகள் மத்தியில் பாசிச ஜெயாவின் கட்டணக் கொள்ளையை அம்பலப்படுத்தி தோழர்கள் பிரச்சாரம் மேற்கொள்கின்றனர்.

இதற்கு காவல் துறை என்ன செய்யும்? ஒருவேளை வழியிருந்தால் செவ்வாய் கிரகத்துக்கு நாடு கடத்துவார்களோ?

______________________

அண்ணன் சிம்பு காமத்துப்பால் - தம்பி குறள் என்ன (அமலா)பாலோ?

டிஆ‌ரின் ஒரு அணுகுண்டையே (அதுதான் சிம்பு) தாங்க முடியவில்லை. அடுத்த வருடம் இளைய அணுகுண்டு குறளரசனும் லேண்ட்டாகப் போகிறாராம். குறளரசனுக்கான கதையை அப்பா டிஆரே ரெடி பண்ணிவிட்டார். என்ன அரை மணி நேர வேலைய்யா அது. ஆனால் குழப்பியடிப்பது ஹீரோயின்தான்.

வரும் ஜனவ‌ரியில் படப்பிடிப்புக்கு கிளம்பும்முன் ஹீரோயினை தேடி கண்டு பிடித்தாக வேண்டும். தசாவதாரத்தில் கமல் சொல்வதைப் போலதான், அழகாகவும் இருக்கணும், குறளரசனின் நடிப்புக்கு ஈடு செய்யுற அனுசரணையும் இருக்கணும்... யாருக்காவது தெ‌ரிந்தால் சொல்லுங்களே

நான் என்ன பேசுறேன்னு எனக்கே வெளங்கவில்லை அப்புறம் உங்களுக்கு எங்கேய்யா வெளங்கபோவுது?- விஜயகாந்த் ?

"முல்லைப்பெரியாறு பிரச்னையில், மத்திய அரசின் பாராமுகத்தை கண்டித்து, நான் எம்.எல்.ஏ., பதவியை ராஜினாமா செய்யத்தயார். அதே வேளை தமிழகத்தை சேர்ந்த 39 எம்.பி.,க்களும் ராஜினாமா செய்ய வேண்டும்,'' என்று தேனியில் விஜயகாந்த் ஆவேசமாக பேசினார்.

முல்லைப்பெரியாறு அணை பிரச்னையில் மத்திய அரசையும், கேரள அரசையும் கண்டித்து தேனியில் தே.மு.தி.க., சார்பில் கண்டன ஆர்ப்பாட்டம் நடந்தது. கட்சித் தலைவர் விஜயகாந்த் தலைமை வகித்தார். அவைத்தலைவர் பண்ருட்டி ராமச்சந்திரன், மாநில துணைச்செயலாளர்கள் இளங்கோவன், தேனி முருகேசன், ஆஸ்டின், எம்.எல்.ஏ.,க்கள் சுந்தர்ராஜன், ராஜா, மாவட்ட செயலாளர்கள் தினேஷ், ராஜா, தமிழ்முருகன், பாலச்சந்தர், அரவிந்தன் உட்பட பலர் பங்கேற்றனர். விஜயகாந்த் பேசியதாவது: நான் முல்லைப்பெரியாறு அணை தண்ணீரை குடித்து வளர்ந்தவன். அதனால் தான் இப்பிரச்னையில் உணர்வுடன் போராடுகிறேன். முல்லை பெரியாறு அணை பிரச்னையில், 30 ஆண்டுகளுக்கும் மேலாக கேரளா தமிழகத்தை வஞ்சித்து வருகிறது. அணை பலப்படுத்தப்பட்டு விட்டதால், நீர் மட்டத்தை 142 அடியாக உயர்த்தலாம் என்ற சுப்ரீம் கோர்ட் உத்தரவையும் கேரளா கண்டுகொள்ளவில்லை. கோர்ட் உத்தரவை அமல்படுத்த மத்திய அரசும் எந்த முயற்சியும் எடுக்கவில்லை. அப்போது ஐந்து ஆண்டுகளாக ஆட்சியில் இருந்த கருணாநிதியும், நடவடிக்கை எடுக்கவில்லை.

எல்லா பிரச்னைகளிலும் கருணாநிதியும், ஜெயலலிதாவும் ஒன்று தான். அவர்களுக்கு மக்கள் மீது அக்கறை இல்லை. நான் மக்கள் மீது அக்கறை கொண்டவன் என்பதால் தொடர்ந்து போராட்டம் நடத்தி வருகிறேன். இப்பிரச்னையில் கேரள அரசு தூங்குவதை போல் நடிக்கிறது.

நான் மக்கள் நலனின் அக்கறை உள்ளவன். இந்த விஷயத்தில் நான் அரசியல் நடத்த விரும்பவில்லை.எவ்வளவோ கருத்து வேறுபாடுகள், முரண்பாடுகள் இருந்தாலும் முல்லை பெரியாறு அணை பிரச்னையில் நாங்கள் அனைத்து கட்சிகளுடனும் ஒருங்கிணைந்து செயல்படுவோம்.இப்பிரச்னையில் மத்திய அரசு மந்தமாக செயல்படுகிறது என கருணாநிதியே கூறியிருக்கிறார். இதை தெரிந்து கொள்ள அவருக்கு எட்டு ஆண்டுகள் ஆகியிருக்கிறது. 

முல்லை பெரியாறு அணை பிரச்னையில் கேரள அரசின் அடாவடியினை மத்திய அரசு கண்டிக்க வேண்டும். சுப்ரீம் கோர்ட் உத்தரவுப்படி செயல்பட அறிவுறுத்த வேண்டும். அணை பாதுகாப்பிற்கு மத்திய படையையோ, ராணுவத்தையோ நிறுத்த வேண்டும். இந்திய நதிகள் முழுவதையும் தேசியமயமாக்க வேண்டும். அப்போது தான் இந்த பிரச்னை தீரும்.

கேரளத்தின் பசப்பு வார்த்தைகளை நம்பி பேச்சுவார்த்தை என்ற பெயரில் இனியும் ஏமாறக்கூடாது.கேரளமும், கர்நாடகமும் தமிழகத்தை மழைக்காலத்தில் மட்டும் நீர் வழிந்து செல்லும் வடிகாலாக பயன்படுத்துவதை தவிர்க்க வேண்டும். காவிரி நதிநீர் பிரச்னையில் மத்திய அமைச்சர் பதவியை வாழப்பாடி ராமமூர்த்தி ராஜினாமா செய்ததைப்போல், பெரியாறு அணை பிரச்னையில் தமிழகத்தை சேர்ந்த 39 எம்.பி.,க்களும் ராஜினாமா செய்ய வேண்டும்.

கருணாநிதி நாங்கள் முடிவெடுப்போம் என்கிறார். தி.மு.க., இந்த விஷயத்தில் விரைந்து முடிவெடுக்க வேண்டும்.

முல்லை பெரியாறு பிரச்னைக்காக நான் என் பதவியை ராஜினாமா செய்ய தயார். எனது கட்சி எம்.எல்.ஏ.,க்களும் ராஜினாமா செய்ய தயாராக உள்ளனர். பெரியாறு அணை பிரச்னையில் தமிழகத்தை வஞ்சித்த மத்திய அரசுக்கு மக்கள் தேர்தலில் பாடம் புகட்ட வேண்டும்,என்றார்.

தப்பு... தப்பா நடந்து போகும் : தேனியில், மதுரை ரோட்டில் விஜயகாந்த் ஆர்ப்பாட்டம் நடந்தது. இதற்காக, மதுரை ரோட்டில் போக்குவரத்து நிறுத்தப்பட்டு, பஸ்கள் சுற்றி விடப்பட்டன. ஆம்புலன்ஸ் வாகனங்கள் மட்டும் மதுரை ரோட்டில் அனுமதிக்கப்பட்டன. அப்போது, மதுரை எஸ்.பி., ஆஸ்ரா கார்க் அந்த வழியாக, சைரன் காரில் வந்தார். அவரது காரை பார்த்ததும், டென்ஷன் ஆன விஜயகாந்த், "ஆம்புலன்ஸ் மட்டுமே அவசரம் என்பதால் இந்த பாதையில் அனுமதிப்பேன். மற்ற கார்கள் இது போன்று வந்தால், தப்பு தப்பா நடந்து போகும். பிறகு மக்கள் இஷ்டப்படி செயல்படுவர். எதற்கும் நான் பொறுப்பேற்க மாட்டேன். போலீசார் போக்குவரத்தை நிறுத்த வேண்டும். லஞ்சம் கொடுத்தால் மட்டுமே போக்குவரத்தை நிறுத்துவீர்கள் என்றால், என் கட்சியினரை கொடுக்கச் சொல்கிறேன். என் கூட்டத்திற்கு அனுமதி கொடுத்து விட்டு, என்னை பேசவிடாமல் வாகனங்களை பாதையில் அனுப்பி தொல்லை தருவதை ஏற்க மாட்டேன்' என்றார்.

""என்ன பேசுறேன்னு எனக்கே தெரியவில்லை'' : முல்லைப் பெரியாறு அணை பிரச்னை பற்றி பேச மேடையேறிய விஜயகாந்த் பேச்சு திசைமாறி, ஜெயலலிதா, கருணாநிதி, ஸ்டாலின் மீது திரும்பியது. அவர்களை திட்டித் தீர்த்த விஜயகாந்த், தி.மு.க.,வையும், அ.தி.மு.க.,வையும் சாடினார். பெரியார் கறுப்புத் துண்டு அணிவார். ஆனால், மஞ்சள் துண்டு அணிந்தவரை போய் தற்போது, வாழும் பெரியார் என வர்ணிக்கின்றனர் என, கருணாநிதியைச் சாடினார்.

குருட்டுப் பூனை விட்டத்தில் பாய்வது போல், இந்தம்மா எப்ப என்ன செய்யும்னு தெரியாது, இன்னும் என்னென்ன விலைவாசி உயரப் போகுதுன்னு பாருங்க என, ஜெயலலிதாவை தாக்கினார். கூட்டத்தினர் சிறிய சலசலப்பு ஏற்படுத்திய போதெல்லாம், "ஏய், யார் நீ, தைரியம் இருந்தா மேடைக்கு வா, வேற கட்சிக்காரன் நீ, இப்படி என் கட்சி துண்ட போட்டு ஏமாத்துறீயா, என்னய்யா வேடிக்க பாக்குற, அந்தாள அங்கிட்டு தூக்கி வெளிய போடுய்யா' என, அடிக்கடி கோபப்பட்டுக் கொண்டே இருந்தார். நாளைக்கு நான் பேசுனது பத்திரிகையில போட மாட்டாங்க; விஜகாந்த் கோபப்பட்டார்னு போடுவாங்க. நான் கோபப்பட்ட மாதிரியே "டிவி'யில காட்டுவாங்க என, நிருபர்கள் பக்கமும் பாய்ந்தார். பேச்சை முடிக்கும் போது, நான் "என்ன பேசுறேனு எனக்கே தெரியல. பெரியாறு அணை பத்தி பேச வந்த நான், வேறு ஏதேதோ பேசிட்டிருக்கேன், இருந்தாலும், நான் சொல்ல வந்ததை சரியா சொல்லிட்டேனு நினைக்கிறேன். ஏன்னா, நான் பேசுறதுக்கு முன்னாடி குறிப்பெடுத்து வைச்சிருந்தேன். குறிப்பில் இருந்த எல்லாவற்றையும் பேசி விட்டேன்' என்றார்.

அப்பா, அம்மாவ கும்பிடுங்க... : தேனி ஆர்ப்பாட்டத்தில் பேசிய விஜயகாந்த், "நாம சாமி கும்பிட போன கூட, கேரளாக்காரன் நம்மை அடிக்கிறான். நீங்க ஏன் சாமி கும்பிட அங்க போறீங்க. நம்ம ஊர்ல அங்கங்க விநாயகர் கோவில் கட்டியது போல், நீங்களும் எல்லா இடத்திலும் அய்யப்பனுக்கு கோவில் கட்டுங்க. அங்க போய் சாமி கும்பிடுங்க. குறிப்பாக, உங்க குலதெய்வத்தை போய் கும்பிடுங்க. அதுக்கு முன்னாடி அப்பா, அம்மாவ கும்பிடுங்க' என்றார்.

பெண்களுக்கு "அந்த" மாதிரி எண்ணங்களை ஏற்படுத்தும் வாழைப்பழம் மற்றும் வெள்ளரிக்காய்க்கு தடை! தமிழக அரசு அறிவிப்பு

இப்படி அறிவிப்பு வந்தாலும் ஆச்சரியப்படுவதற்க்கு இல்லை. பெண்களின் பாலுணர்வுகளை தூண்டும் காய்கறிகளை தடை செய்ய வேண்டும் என்று ஐரோப்பிய மதகுரு ஒருவர் கட்டுரையில் எழுதியுள்ளார். ஆசைகளை தூண்டும் வாழைப்பழம் மற்றும் வெள்ளரிக்காய் போன்றவைகளை பயன்படுத்த பெண்களுக்கு தடை விதிக்க வேண்டும் என்றும் அவர் தனது கட்டுரையில் எழுதியுள்ளார்.

அன்றாட உணவில் வாழைப்பழம், வெள்ளரிக்காய்க்கு முக்கிய பங்குண்டு. அதிக சத்து நிறைந்த வாழைப்பழம், வெள்ளரிக்காய் எளிமையான, விலைகுறைவான உணவுப்பொருளாகும். ஆனால் இந்த பழமும், காயும் பெண்களுக்கு செக்ஸ் உணர்வை அதிகரிக்கச் செய்யும் என்று ஐரோப்பிய மதகுரு ஒருவர் தெரிவித்துள்ளார். ஏனெனில், அவை ஆண்களின் மர்ம உறுப்பை அவர்களுக்கு நினைவுபடுத்தும். அதன் மூலம் அவர்களுக்கு “செக்ஸ்” உணர்வு ஏற்படும்.

எனவே வெள்ளரிக்காய், வாழைப்பழம் போன்றவைகளை பெண்கள் பயன்படுத்த தடை விதிக்க வேண்டும் என்றும் தனது கட்டுரையில் வலியுறுத்தியுள்ளனர். மேலும் காரட், முள்ளங்கி போன்ற காய்கறிகளும் “செக்ஸ்” உணர்வை தூண்டக் கூடியவை எனவும் அவர் கூறியுள்ளார்.

இந்த காய்களை சமைத்தே ஆகவேண்டிய சூழ்நிலை ஏற்படும் பட்சத்தில் அவற்றை முழுமையாக கொடுக்காமல் துண்டு துண்டாக நறுக்கி மறைமுகமாக வழங்க வேண்டும் என்றும் தெரிவித்துள்ளார்.

பொதுமக்கள் எதிர்ப்பு 

மதகுருவின் இந்த கருத்து மக்கள் மத்தியில் கடும் எதிர்ப்பை கிளப்பியுள்ளது.

அந்த நபரால் மதத்துக்கு கெட்ட பெயர் ஏற்படும். எனவே அவரை மதகுரு பதவியில் இருந்து உடனடியாக நீக்க வேண்டும் என ஆன்லைனில் தங்களது கருத்தை கூறியுள்ளனர். 

ஒரு சிலரோ அவருக்கு மனநிலை பாதித்துவிட்டது. எனவே வாய்க்கு வந்ததை உளறுகிறார். எனவே அவர் தனது வேலையை மட்டும் கவனிக்க வேண்டும். இது போன்ற செயல்களில் ஈடுபடக்கூடாது என்று ஒரு தரப்பினர் கருத்து தெரிவித்துள்ளனர்.

கருணாநிதிக்கு விழுந்த செருப்படி வீடியோவில் காண

தனது சொந்த இனம் முள்ளிவாய்க்காலில் கொத்துக் கொத்தாக கொல்லப்பட்ட போது வலுவான முதல்வர் நாற்காலியில் இருந்து கொண்டு எதுவும் செய்யாமல் பார்த்துக் கொண்டிருந்து விட்டு கடந்த ஐந்து ஆண்டு கால ஆட்சிக் காலத்தில் தனது சொந்தக் குடும்பத்தை முன்னேற்றவும் வளப்படுத்தவுமே திட்டமிட்டு செயற்பட்டு வந்த உங்களை நாங்கள் எப்படி மறப்போம்? 

ஏழு கோடித்தமிழர்கள் பக்கத்தில் பார்த்துக் கொண்டிருக்க வெறும் இரண்டு கோடிச் சிங்களவர்களால் எம்மினம் குதறப்பட்ட கொடூரத்தை எப்படி ஜீரணிப்பது. 

இவ்வளவு சாதனைகள் செய்த உங்களுக்கு மீண்டும் ஒரு பதவி நாற்காலி தேவையா? 

தமிழகத்தில் உள்ள ஈழ ஆதரவுத் தலைவர்கள் ஈழத்தில் கொல்லப்படும் தமிழ் மக்களுக்காக குரல் கொடுக்கும் நேரங்களிலெல்லாம் குறிப்பாக ஈழ ஆதரவு அலை ஒரு வீச்சுடன் உருவாகும் நேரங்களில் எல்லாம் சாமர்த்தியமாக முறியடிப்பதில் அத்தனை வல்லவராக இருந்துள்ளீர்கள்.. 

குறிப்பாக ஈழ ஆதரவு அலை தமிழகத்தில் வீறு பெற்று எழும் காலங்களில் தான் அப்போராட்டங்களைப் பொறுப்பேற்று தன் கைகளில் எடுத்து நடாத்துவதாக பாசாங்கு செய்யும் கருணாநிதி சில வட்டப் படிமுறைகளையும் வைத்துள்ளார். 

மனிதச் சங்கிலி, ஆர்ப்பாட்டம், உண்ணாவிரதம், தந்தி அனுப்புதல் கடைசியாக டெல்லிக்கு கடிதம் அனுப்புவதோடு போராட்டங்களை கொஞ்சம் கொஞ்சமாக குன்றச் செய்து அப்படியே இல்லாமல் செய்து விடுவார். 

குறிப்பாக எதிர்க்கட்சிகளோ, ஊடகங்களோ தன் மீது சிறிய குற்றச்சாட்டை முன் வைத்தாலும் கூட பாய்ந்தடித்து பறந்து வந்து பதில் தருவதில் காவியக் கலைஞர் காட்டும் வேகமோ அலாதியானது. யார் குற்றச்சாட்டு எழுப்புகிறார்களோ அவர்களின் ஏழேழு சந்ததியையும் போட்டுக் கிழித்து எழுப்பிய குற்றச்சாட்டை ஒரு வித நரித் தந்திரத்தோடு அப்படியே கிள்ளித் தெளித்து முறியடிக்கும் அரசியல் சாணக்கியர். 

ஆனால் கண்ணெதிரே தன் உறவுகள் கொடூரமாய்க் கொல்லப்பட்ட போது மௌனம் காத்து எழுந்த விமர்சனங்களுக்கெல்லாம் பதில் சொல்லாமலே தட்டிக் கழித்தார். 

முள்ளிவாய்க்கால் துயரம் இடம்பெறுவதற்கு சில நாள்கள் முன்னதாக எம்மக்களுக்கு நிகழ்ந்த கொடுமைகளைப் பார்த்து பொறுக்க முடியாமல் தன்னைத் தானே தீயில் மாய்த்து மாண்ட மாவீரன் முத்துக்குமரன் தான் கடைசியாக வரைந்த மடலில் கூறிய சில வரிகள், “தற்போது உலகத் தமிழினத் தலைவர் என்ற பட்டப் பெயரைச் சூட்டிக் கொள்ளவும் தமிழ்நாட்டில் இருக்கும் பணத்தையெல்லாம் தான் குடும்பச் சொத்தாக்கிக் கொள்ளவும் விரும்புகிறவர் தான் இந்தக் கலைஞர்”. என்று மிகச் சரியாகச் சொல்லியிருக்கிறார் சிந்தனைவாதி முத்துக்குமார். 

முத்துக்குமாரின் தற்கொடையின் பின்னர் தமிழகத்தில் எழுந்த ஒரு மாபெரும் ஈழ ஆதரவுஅலையை கருணாநிதி எவ்வாறு அடக்கினார். 

மக்களுக்காக உயிர் நீத்த அந்த மாவீரனின் உடலத்தை மக்கள் பார்வைக்கு வைக்க விடாமல் பொலிஸார் மூலம் அடக்கம் செய்வதற்கு அத்தனை முயற்சிகளையும் எடுத்தார் கருணாநிதி.. 

ஆனால் ஈழ ஆதரவுத் தலைவர்களோ விடவில்லை தொடர்ந்து முயற்சித்து சென்னை கொளத்தூரில் பல்லாயிரக்காண மக்களின் கண்ணீர் அஞ்சலிக்கு நடுவே எம் வீரப் புதல்வனின் இறுதி ஊர்வலம் இடம்பெற்றது. 

இரவு 10.00 அளவிலே வீரபபுதல்வனின் உடலம் இளைஞர்களின் குறிப்பாக கல்லூரி மாணவர்களின் கதறல்களுக்கும் உணர்ச்சிக் கொந்தளிப்புக்கும் இடையே மாயானத்துக்கு கொண்டு போகும் நேரத்தில் ஒரு அதிரடி அறிவிப்பை வெளியிடுகின்றார் கருணாநிதி. 

நாளையிலிருந்து பள்ளி, கல்லூரிகள் அனைத்துக்கும் காலவரையின்றி விடுமுறை.. 

மாணவர்கள் அனைவரும் விடுதிகளை உடனடியாக காலி செய்ய வேண்டும். இப்படியாக தமிழகமெங்கும் நிகழ்ந்த கொந்தளிப்பு நிலையை திட்டமிட்டே சாதுரியத்துடன் அடக்கி விட்டார் கருணாநிதி.. இல்லாவிடின் அன்றே ஒரு எகிப்து புரட்சி தமிழகத்தில் ஏற்பட்டிருக்கும். 

தமிழ் மக்களை மஹிந்த அரசு கொன்று குவித்த தொடர் கொடுமைகளின் போது தமிழினத்தலைவராக போற்றப்பட்டவரே உங்களின் மௌனம் கலையாதா? என்று நித்தமும் பல்லாயிரக்கணக்கான கதறல் கேள்விகள் உலகெங்கும் இருந்து வந்தபோதும் ரோம் நகர் தீப்பற்றி எரிந்த போது பிடில் வாசித்துக் கொண்டிருந்த நீரோ மன்னன் போல் எப்போதும் போல மௌனம் சாதித்தார். 

இவருக்கு எதிராக உலகெங்கும் எழுந்த கண்டனங்களையும் எதிர்ப்புக்களையும் கண்டு கொள்ளாமல் இருந்தார். 

தன்னுடைய குடும்பத்தையும் குடும்பவாரிசுகளையும் எவ்வாறு உலகக் கோடீஸ்வரர்கள் பட்டியலுக்குள் கொண்டு போகலாம் என்பதிலேயே குறியாக இருந்தார். 

தற்போது கருணாநிதியின் குடும்ப வாரிசுகளில் ஒருவர் உலகக் கோடீஸ்வரர் பட்டியலில் 315 ஆவது இடத்தில் உள்ளமை குறிப்பிடத்தக்கது. இறுதிப் போரின் உச்சத்தின் போது அவர் காட்டிய அதிக பட்ச கருணை டெல்லிக்கு கடிதம் எழுதியது தான். 

பின்னர் நாடாளுமன்றத் தேர்தல்களின் பின்னர் தனது குடும்ப உறுப்பினர்களுக்கு பதவிகளைப் பெற்றுத் தருவதில் சிக்கல் எழுந்த போது முதல் ஆளாக டெல்லிக்குப் பறந்தார். கிட்டத்தட்ட ஒரு வார காலத்தை உறவுகளுக்கு அர்ப்பணிக்கும் போராட்டத்துக்கு ஒதுக்கினார். 

அதையும் தவிர்த்து கருணாநிதி செய்த அதிரடிக் காரியம் ஒன்று உலகையே திரும்பிப் பார்க்க வைத்தது. 

தனது இரண்டு உத்தியோக பூர்வ மனைவிகள் சகிதம் அண்ணா சமாதிக்கு வந்து உண்ணாவிரதம் ஆரம்பித்து மூன்று மணிநேரத்தில் போர் முடிந்ததாக அறிவித்து தனது அதிரடியான அதிசயமான உண்ணாவிரதத்தை முடிவுக்குக் கொண்டு வந்தார். 

அப்போது இவரின் செய்தி உலகெங்கும் எடுத்துச் செல்லப்பட்டது. முள்ளிவாய்காலில் உள்ள தமிழ் மக்களுக்கு புலிகளின் குரல் வானொலி மூலம் அதன் அறிவிப்பாளர் இறைவன் இச்செய்தியினை மகிழ்வுடன் சொல்லிக் கொண்டிருந்தார். 

ஆனால் அவர் அறிவித்து அடுத்த நிமிடமே முள்ளிவாய்க்கால் எங்கும் கதறல் சத்தங்கள்அப்போது மேற்கொள்ளப்பட்ட பீரங்கித் தாக்குதலில் ஏராளமான பொது மக்கள் கொல்லப்பட்டார்கள். 

உலகத் தமிழர்களின் தலைவர் பிரபாகரனின் வயது முதிர்ந்த தாயார் சிகிச்சைக்காக வந்தபோது தமிழ் புத்திஜீவிகளின் கவனம் முழுவதும் அவரின் மீது குவிந்து விடும் என்று அறிந்த கருணாநிதி தமிழக மண்ணில் கூட காலடி எடுத்து வைக்க அனுமதிக்காமல் திருப்பியனுப்பினார். 

தனி ஒருவனுக்கு உணவில்லையெனில் இந்த ஜெகத்தினையே அழித்திடுவோம் என்று முழங்கிய தமிழன் எங்கே. விரக்தி, வியாதி, வேதனையுடன் மருத்துவம் நாடி வந்த தாயின் நிலை… உங்களின் துரோகத்தனத்தை எப்படி மறக்க முடியும் கலைஞரே? 

ஈழத்தமிழர்கள் முள்ளிவாய்க்காலில் கொத்தோடு கொல்லப்பட்டு ஒருவருட நிறைவுநாளின் பின்னர் செம்மொழி மாநாடு என்று ஒரு தனக்குத் தானே பாராட்டும் பித்தலாட்ட மாநாட்டை முகாம்களில் கஞ்சிக்கும் வழியில்லாமல் தமிழினம் தவிக்கையில் பலகோடி ரூபாய் செலவில் அரங்கேற்றினார். 

நித்தமும் தனக்குத் தானே பாராட்டு விழாக்களை நடாத்தியும் நமீதாவின் மானாட மயிலாடவையும் பார்த்துக் கொண்டிருக்கும் உங்களுக்கு எங்கே புரியப் போகிறது ஈழத் தமிழர்களின் துயரம். 

ஈழத்தமிழர் படுகொலையில் முதல் குற்றவாளி கருணாநிதி. உலகெங்கும் வாழும் 10 கோடி தமிழர்களின் அறிவிக்கபாடாத தலைவராக தன்னை சொல்லிக் கொண்டு திரியும் கருணாநிதிக்கு ஏனோ உலகத் தமிழர்களால் ஏற்றுக் கொள்ளப்பட்ட யாருக்கும் விலை போகாத தலைவன் பிரபாகரனை தலைவராக ஏற்றுக் கொள்ள முடிவதில்லை. காரணம் நான் தான் உலகத் தமிழர்களின் தலைவர் என்ற மமதை. 

மனித குல வரலாற்றில் எங்குமே நடந்திராத முள்ளிவாய்க்கால் அவலத்தின் போது பெண்கள் குழந்தைகள் என்று கொத்துக் கொத்தாக கொல்லப்பட்ட போதும் இருக்க நிழலில்லை, உண்ண உணவில்லாமல் இருந்த போதும் தாயக தேசத்தில் தங்கள் சொந்தங்கள் செத்து மடிவதைப் பார்த்து புலம்பெயர் நாடுகளிலும் நிம்மதியில்லாமல் இருந்தார்கள். 

இவ்வளவும் நடந்த போதும் வெறும் பதவிக்காகவும் குடும்ப ஆட்சியைக் காப்பாற்றிக் கொள்ளவும் கண்ணை மூடி வாயைப் பொத்தி ஈழத் தமிழர்க்கு வரலாற்றுத் துரோகத்தை இழைத்து விட்டார் கருணாநிதி. 

குறிப்பாக காங்கிரஸ் கட்சியையும் இத்தாலி சோனியாவையும் திருப்திப்படுத்தவே போராடங்களை வன கரம் கொண்டு ஒடுக்கினார் கருணாநிதி. 

கருணா (நிதி) போன்ற தமிழ் இனத் துரோகிகள் இனியும் எம் தமிழ்ச் சாதியில் பிறக்கக் கூடாது.. ஈழத் தமிழர்களின் வரலாற்றுப் புத்தகத்தில் கருணாநிதியின் ஆட்சி ஒரு கறை படிந்த கறுப்புப்பக்கமாகவே என்றும் இருக்கும். 

அந்த நேரம் உலகெங்கும் வாழும் தமிழர்கள் கருணாநிதியின் மீதான கோபத்தை பலவாறாக வெளிப்படுத்தினார்கள்..

ஆசிரியை குளிப்பதை செல்போனில் படம் பிடித்த மாணவர்கள் கைது

ஆசிரியை குளிப்பதை செல்போனில் படம் பிடித்த மாணவர்கள் 3 பேரை போலீசார் கைது செய்தனர். 

நெல்லை மாவட்டம் திசையன்விளையை சேர்ந்த ராணி (பெயர் மாற்றப்பட்டுள்ளது), அந்த பகுதியில் உள்ள ஒரு பள்ளிக்கூடத்தில் ஆசிரியையாக வேலை செய்து வருகிறார். 

சம்பவத்தன்று ஆசிரியை ராணியின் வீட்டில் உள்ள குளியலறையில் அவரது கணவர் குளித்துக் கொண்டிருந்தார். அப்போது வெளிச்சத்துக்காக வைக்கப்பட்டு இருந்த `வெண்டிலேட்டர்' ஜன்னலில் ஒரு கேமரா செல்போன் இருப்பதை பார்த்து அதிர்ச்சி அடைந்தார். 

அந்த செல்போனில் பொருத்தப்பட்டு இருந்த `மெமரி கார்டில்' பதிவான காட்சிகளை கம்ப்ïட்டரில் போட்டு பார்த்தனர். அப்போது, ஆசிரியை ராணி உள்பட அவருடைய குடும்பத்தினர் குளித்த காட்சிகள் அதில் பதிவாகி இருந்தன. 

குளியலறை ஜன்னலில் இருந்து எடுக்கப்பட்ட கேமரா செல்போன், அந்த பகுதியைச் சேர்ந்த முத்துவிஜய் (18) என்பவருக்கு சொந்தமானது. இவர் பாலிடெக்னிக் கல்லூரி மாணவர். 

இது குறித்து போலீசார் வழக்குப்பதிவு செய்து விசாரணை நடத்தினார். 

பாலிடெக்னிக் கல்லூரி மாணவர் முத்து விஜயும், அவருடைய நண்பர்களான திசையன்விளையை சேர்ந்த சுதாகர் (18), அமுதன் (22) ஆகியோரும் சேர்ந்து, ஆசிரியையின் வீட்டு குளியலறையில், ரகசியமாக கேமரா செல்போனை வைத்து படம் பிடித்தது கண்டுபிடிக்கப்பட்டது. 

உடனடியாக 3 பேரும் கைது செய்யப்பட்டனர். கைது செய்யப்பட்ட அமுதனும் பாலிடெக்னிக் கல்லூரியில் படித்து வந்தவர் என்பது குறிப்பிடத்தக்கது.