கலர் கலர் வாசனைகள்

எங்கோ பச்சைக்கொடிக்
காட்டப்பட்டதால்
காடுகள் ஒடிக்கப்பட்டு
மழைக்குச் சிவப்புக்கொடி
செய்யப்படுகிறது


அணைகள் கட்டும் கல்லில்
வெள்ளைச்சட்டை வேந்தருக்கு
சிலைகள் கட்டிவிட்டு
கருப்புச்சட்டையணிந்து நீருக்கு
கலகம் செய்யப்படுகிறது

மஞ்சள் விளக்குப் போட்டாலும்
மதிக்காமல் விரைகிறோம்
சிவப்பு விளக்குப்போட்ட
வாகனத்தில் மருத்துவம் சேருகிறோம்

பனிச்சறுக்கல்களில் மஞ்சள் சூரியனால்
நடத்தப்படும் விரிச்சல்களும் வெடிப்புக்களும்
யாரோ ஒருவர் வீட்டில் திறக்கப்படும்
நீலநிற ஓசோன் குளிருட்டிக்குத் தெரியாது.



அப்பா தூக்கிப் போட்ட
வெளிர் சிவப்பு பாலத்தீன் பைகளால்
வரண்டுவிட்டது அந்த கண்மாய்
மகன் வீட்டு வெள்ளி நிற தண்ணீர் குழாய்களின்
வெளித் துவாரங்களைப் போல