வலைத்தளம் அமைக்க சிறந்த சேவை எது : ப்ளாக்கரா, வோர்ட்பிரசா

வலைத்தளம் ஆரம்பித்து எழுதி சிறிது நாளில் தனித்தளம் அமைக்க வேண்டும் என்று பலரும் நினைக்கிறார்கள்

ஆனால் தனித்தளம் அமைக்க சிறந்த வழிமுறை எதுவென்று பலருக்கும் குழப்பம் வரலாம்

அதனால் ஒரு சிறு ஆலோசனை குறிப்பு

சொந்த டொமைன் அதாவது சொந்த பெயரில் தளம் தேவையில்லை என்றால் 3 வழிமுறைகளில் உங்கள் வலைப்பதிவை அமைக்கலாம்

• 1. இலவசமாக .blogspot ல்
• 2. இலவசமாக .wordpress.com ல்
• 3. அட்சென்ஸ், கருவிபட்டை சேர்க்க பணம் செலுத்தி wordpress.com

சொந்த டொமைன் அதாவது சொந்த பெயரில் தளம் தேவையென்றால் 4 வழிமுறைகளில் உங்கள் வலைப்பதிவை அமைக்கலாம்

• 4. இலவசமாக .blogspot ல்
• 5. திருப்பி விடுவதற்கு பணம் செலுத்தி .wordpress.com ல்
• 6. திருப்பி விடுவதற்கும் அட்சென்ஸ், கருவிபட்டை கூடுதல் பணம் செலுத்தி .wordpress.com ல்
• 7. சொந்த சர்வரில் வோர்ட்பிரஸ் அல்லது வேறு மென்பொருட்களை நிறுவுதல் மூலமாக

இதில் ஒவ்வொரு வழிமுறையையும் விரிவாக பார்க்கலாம்

முதல் முறை இலவச .blogspot.com

• உதாரணம் :http://enayamtahir.blogspot.com/

இம்முறையில் உள்ள சாதகங்கள்

1. முற்றிலும் இலவசம்
2. உங்கள் பதிவு ப்ளாக்கரின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது
3. தமிழ் மணம் கருவிப்பட்டை சேர்க்கலாம்
4. தமிழிஷ் / இண்ட்லி உட்பட எந்த கருவிப்பட்டை சேர்க்கலாம்
5. அட்சென்ஸ் சேர்க்கலாம்
6. லேபிள்கள் உண்டு
7. வார்ப்புருவை மாற்றும் சுதந்திரம் உண்டு

இம்முறையில் உள்ள பாதகங்கள்

1. உங்கள் பெயரில் தளம் இருக்காது. blogspot.com என்றே இருக்கும்

இரண்டாவது முறை : இலவச .wordpress.com

• உதாரணம் http://nchokkan.wordpress.com/

இம்முறையில் உள்ள சாதகங்கள்

1. இலவசம்
2. உங்கள் பதிவு வோர்ட்பிரசின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது
3. லேபிள்கள் உண்டு

இம்முறையில் உள்ள பாதகங்கள்

1. உங்கள் பெயரில் தளம் இருக்காது. wordpress.com என்றே இருக்கும்
2. அட்சென்ஸ் சேர்க்க முடியாது
3. தமிழ் மணம் கருவிப்பட்டை சேர்க்க முடியாது
4. தமிழிஷ் / இண்ட்லி உட்பட எந்த கருவிப்பட்டை சேர்க்க முடியாது

மூன்றாவது முறை : அட்சென்ஸ், கருவிபட்டை சேர்க்க பணம் செலுத்தி .wordpress.com 

• உங்கள் முகவரி xyx.wordpress.com என்றே இருக்கும்

இம்முறையில் உள்ள சாதகங்கள்

1. உங்கள் பதிவு வோர்ட்பிரசின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது
2. தமிழ் மணம் கருவிப்பட்டை சேர்க்கலாம்
3. தமிழிஸ் கருவிப்பட்டை சேர்க்கலாம்
4. அட்சென்ஸ் சேர்க்கலாம்
5. லேபிள்கள் உண்டு

இம்முறையில் உள்ள பாதகங்கள்

1. அட்சென்ஸ், கருவிபட்டை ஆகியவற்றை சேர்க்க வோட்பிரசுக்கு வருடத்திற்கு 45 டாலர் பணம் தர வேண்டும்
2. உங்கள் பெயரில் தளம் இருக்காது. wordpress.com என்றே இருக்கும்

சொந்த பெயரில் தளம் வேண்டுமென்றால் நான்கும் வழிகள் உள்ளன

சொந்த டொமைன் அதாவது சொந்த பெயரில் தளம் அமைக்கும் முதல் முறை : ப்ளாக்கர் redirection உதாரணங்கள்

• http://www.makkal-sattam.org/
• http://www.parisalkaaran.com/
• http://www.luckylookonline.com/
• http://www.narsim.in/

இந்த சேவை கடந்த சில வருடங்களாக்தான் வழங்கப்படுகிறது. பல பதிவர்களுக்கு இப்படி ஒரு இலவச சேவை இருப்பதே தெரியாமல், சொந்த பெயரில் தளம் அமைக்க வேண்டும் என்ற ஒரே காரணத்திற்காக மட்டுமே காசு கொடுத்து தனிவழங்கியில் வோர்ட்பிரசில் பதிவு வைக்கிறார்கள் என்பது சோகக்கதை


இம்முறையில் உள்ள சாதகங்கள்

1. ப்ளாக்கர் சேவை முற்றிலும் இலவசம்
2. தளம் உங்கள் பெயரில் இருக்கும்
3. உங்கள் பதிவு ப்ளாக்கரின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது
4. தமிழ் மணம் கருவிப்பட்டை சேர்க்கலாம்
5. தமிழிஸ் கருவிப்பட்டை சேர்க்கலாம்
6. அட்சென்ஸ் சேர்க்கலாம்
7. லேபிள்கள் உண்டு
8. வார்ப்புருவை மாற்றும் சுதந்திரம் உண்டு

இம்முறையில் உள்ள பாதகங்கள்

1. டொமைனை புதுபிக்க வருடந்தோறும் சரியாக ஞாபகம் வைத்து பணம் செலுத்து வேண்டும்

சொந்த டொமைன் அதாவது சொந்த பெயரில் தளம் அமைக்கும் இரண்டாவது வழிமுறை : வோர்ட்பிரஸ் redirection – இதற்கு காசு தர வேண்டும் இம்முறையில் உள்ள சாதகங்கள்

1. தளம் உங்கள் பெயரில் இருக்கும்
2. உங்கள் பதிவு வோர்பிரசின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது

இம்முறையில் உள்ள பாதகங்கள்

1. டொமைனை புதுபிக்க வருடந்தோறும் சரியாக ஞாபகம் வைத்து பணம் செலுத்து வேண்டும்
2. திருப்பிவிடுவதற்கு (redirection) வோட்பிரசுக்கு வருடத்திற்கு 10 டாலர் பணம் தர வேண்டும் (http://www.velvetblues.com/web-development-blog/wordpress-com-vs-wordpress-org/)
3. அட்சென்ஸ் சேர்க்க முடியாது
5. தமிழ் மணம் கருவிப்பட்டை சேர்க்க முடியாது
6. தமிழிஷ் / இண்ட்லி உட்பட எந்த கருவிப்பட்டை சேர்க்க முடியாது
7. வார்ப்புருவை தொகுக்கும் சுதந்திரம் கிடையாது

சொந்த டொமைன் அதாவது சொந்த பெயரில் தளம் அமைக்கும் மூன்றாவது வழிமுறை : வோர்ட்பிரஸ் redirection – மற்றும் பிற சேவைகளுக்கு பணம் செலுத்துதல் இதற்கு காசு தர வேண்டும் இம்முறையில் உள்ள சாதகங்கள்

1. உங்கள் பதிவு வோர்பிரசின் வழங்கியில் இருக்கிறது. அங்கு பல பிரதிகள் இருக்கும் என்பதால் வழங்கி கோளாறு ஏற்பட்டால் கூட பதிவிற்கு ஒன்றும் ஆகாது
2. தளம் உங்கள் பெயரில் இருக்கும்
3. தமிழ் மணம் கருவிப்பட்டை சேர்க்கலாம்
5. தமிழிஸ் கருவிப்பட்டை சேர்க்கலாம்
6. அட்சென்ஸ் சேர்க்கலாம்
7. லேபிள்கள் உண்டு

இம்முறையில் உள்ள பாதகங்கள்

1. டொமைனை புதுபிக்க வருடந்தோறும் சரியாக ஞாபகம் வைத்து பணம் செலுத்து வேண்டும்
2. திருப்பிவிடுவதற்கு (redirection) வோட்பிரசுக்கு வருடத்திற்கு 10 டாலர் பணம் தர வேண்டும் (http://www.velvetblues.com/web-development-blog/wordpress-com-vs-wordpress-org/)
3. அட்சென்ஸ், கருவிபட்டை ஆகியவற்றை சேர்க்க வோட்பிரசுக்கு வருடத்திற்கு 45 டாலர் பணம் தர வேண்டும்

தமிழ் மண கருவிபட்டை சேர்ப்பதற்கும் காசு, redirectionக்கும் காசு என்று வோர்ட்பிரசில் எதற்கு எடுத்தாலும் காசு தான். எனவே இந்த முறையை பயன்படுத்தினால் உங்கள் பாக்கெட் பழுப்பது நிச்சயம் 

சொந்த டொமைன் அதாவது சொந்த பெயரில் தளம் அமைக்கும் நான்காவது வழிமுறை : ஒரு வழங்கியை வாடகைக்கு எடுத்து அல்லது வழங்கியில் குறிப்பிட்ட இடத்தை வாடகைக்கு எடுத்து வோர்ட்பிரஸ் அல்லது வேறு மென்பொருட்களை நிறுவுதல் இம்முறையில் உள்ள சாதகங்கள்

1. தமிழ் மணம் கருவிப்பட்டை சேர்க்கலாம்
2. தமிழிஸ் கருவிப்பட்டை சேர்க்கலாம்
3. அட்சென்ஸ் சேர்க்கலாம்
4. கூடுதல் சேவைகளை அளிக்கலாம்

இம்முறையில் உள்ள பாதகங்கள்

1. டொமைனை புதுபிக்க வருடந்தோறும் சரியாக ஞாபகம் வைத்து பணம் செலுத்து வேண்டும்
2. வழங்கி வாடகை எடுக்க வேண்டும். வழங்கிக்கு காசு செலவழிக்க வேண்டும். வருடந்தோறும் சரியாக புதுப்பிக்க வேண்டும். சரியான நேரத்தில் புதுப்பிக்காவிட்டால் தளம் தெரியாது
3. உங்கள் பதிவு ஒரு வழங்கியில் மட்டுமே இருக்கிறது. அந்த வழங்கியில் ஏதாவது சரி செய்ய முடியாத கோளாறு என்றால் உங்கள் அனைத்து பதிவுகளும், மறுமொழிகளும் போயிந்தே (எனவே சொந்த தளத்தில் வோர்ட்பிரஸில் பதிவு வைத்திருப்பவர்கள், அனைத்து பதிவுகளையும் சேமித்து வைத்துக்கொள்ளுங்கள்)
4. அதை விட பெரிய பிரச்சனை – பாதுக்காப்பு குளறுபடி.வோர்ட்பிரஸ் மென்பொருளில் இருக்கும் பாது காப்பு குளறுபடிகளை பயன்படுத்தி யாராவது ஹேக்கர் உங்கள் தளத்தில் malware சேர்த்து விட்டால் அதன் பிறகு உங்கள் தளம் தேடுபொறிகளால் தடை செய்யப்படும் அபாயம் உள்ளது
5. சில தமிழ் எழுத்தாளர்களின் தளங்களில் நச்சு நிரலிகள் இருந்து அவை அந்த தளம் மூலம் பலருக்கும் பரவியது உங்களுக்கு தெரிந்திருக்கலாம் 

இணைய வல்லுனர்களை தவிர பிறருக்கு இந்த முறை சிறப்பானது அல்ல 2006 வரை சொந்த பெயரில் தளம் வைக்க ஒரே வழி தனி வழங்கியில் வோர்ட்பிரஸ் போன்ற மென்பொருட்களை நிறுவுவது தான் எனவே வேறு வழியின்றி அனைத்து தலைவலிகளையும் பொருத்துக்கொண்டு

• பணச்செலவு, 
• பாதுகாப்பு அச்சம், 
• பதிவு அழிந்து போகும் வாய்ப்பு 

மூத்த பதிவர்கள் பலரும் தனித்தளத்தில் வழங்கியில் பதிவு வைத்திருந்தனர்

ஆனால் redirection வசதியை ப்ளாக்கர் இலவசமாக தரத்துவங்கிய பின்னர் டொமைன் பெயர் வைத்திருக்கும் விபரம் தெரிந்தவர்கள்

• http://www.makkal-sattam.org/
• http://www.parisalkaaran.com/ 
• http://www.luckylookonline.com/
• http://www.narsim.in/) 

அனைவரும் தங்கள் பெயரிலேயே முற்றிலும் இலவசமாக தளம் துவங்கி விட்ட்னர்.

• பாதுகாப்பு அச்சம் இல்லை. 
• பதிவு அழியுமோ என்ற அச்சம் இல்லை
• கூடுதல் செலவு இல்லை
• வார்ப்புருவை மாற்றலாம்  
• வார்ப்புருவை திருத்தலாம்

விபரம் தெரியாதவர்கள் (அறியாமையால் செயலபடும் அவர்களின் பெயர்கள் தவிர்க்கப்பட்டிருக்கின்றன :) ) பணம் செலவழித்து கொண்டிருக்கிறார்கள் :) :)  இதில் அவ்வப்போது security risk வேறு


 

தொடர்ந்து வரும் இடுகையில் நாம் விவாதிக்க இருக்கும் கேள்விகள்

1. நான் தற்சமயம் வழங்கி வாடகைக்கு எடுத்து அதற்கும் கூடுதல் பணம் செலுத்தி வோர்ட்பிரசில் உள்ளேன். நான் கூகிளுக்கு மாற முடியுமா
2. கூகிளை விட வோர்ட்பிரசில் கூடுதல் வசதி உண்டு என்கிறார்களே. அப்படியா
3. நான் தற்சமயம் xyz.blogspot.com என்ற தளம் வைத்துள்ளேன். இதை xyz.com என்று மாற்ற எவ்வளவு செல்வாகும், என்ன முறை
4. ப்ளாக்கரில் யார் எதை பார்ப்பது என்று தீர்மாணிக்க முடியுமா